“…Welat li ser nave me,

Lê em têda bî cîh ne!”

Cegerxwîn

…Xwe r’agirin û matma nebin!

PDK soz dide milîsên şiî yên Îraqê Heş Şeibî, ku wê PKK-îyan ji bajarokê Xurmatî derxe...

Eger yekî di derbarê vê da bigota yanê binivîsya, dibe ku bigotana, ku ne r’ast e, ku ev provokat’sîon e! Lê evê bi xwe RÛDAW r’adigihîne!

Û k’a RÛDAW çi ye û ya k’ê ye, jixwe tê zanîn…

Di bajarokê Xurmatî yê Başûrê K’urdistanê da di navbera pêşmergeyên PDK û milîsên şiîyan ên Heşda Şeibî da p’evçûn derk’etine, heya 7 k’urd di wan pevçûnan da hatine kuştin…

Pirs dertê hole:

 – k’a ev milîsên şiîyên ereb di başûrê K’urdistanê da çi dikin?...

Lê, ev jî ne bextr’eşîya me ya dawîyê ye! Ya here bêşermî, ya ku dive ji hêla k’urdan va neyê p’ejiriandin, ew e, ku, wek ku RÛDAW bi dilxweşî û bi “serbilindî” r’adigihîne: “Fermandeyekî milîsên şîe yên Iraqê (Heşda Şeibî) îdia kir, ku gerîlayên PKKê jî li bajarokê Xurmatû bi wan r’a şer’ dikin û got, r’ayedarên Pêşmerge soz dane wan ji bajêr derxin”. – Binihêrin, dîsa, wek ku RÛDAW r’adigihîne: “…di navbera hêzên Pêşmerge û milîsên şîe yên Heşda Şeibî de şer’  derdik’eve”..., lê dîsa jî fermandarekî şiîyan gazinê xwe li pêşmergeyan kirye, ku  PKK-ê jî li bajarokê Xurmatû bi wan r’a şer’ dikin, û r’ayedarên pêşmergeyan jî soz dane wan, ku wê PKK-îyan ji bajêr derxin...

Nizanim, eger yek mirovekî normal be, dijwar ji vê bawer bike... Lê bibawer bin, RÛDAW bi xwe di vê derbarê da dinivîse... Wê çawa nenivîse, eger “...Fermandeyê Heşda Şeibî li Xurmatû, Atif Elî ji ajansa Anadolu ya T’irkiyê r’a gotiye, gerîlayên PKKê jî t’evlî aloziyên Xurmatû bûne...” – Ê, eger Anadolûya t’irkan r’a hatye gotin, PDK çawa dikare soz nede, û RÛDAW jî çawa dikare, di vê derbarê da nenivîse – ma ne, xwedîyên wan yek e...

Bik’enî, yanê bigirîyî?

Nizanim!

Mirov her tiştî dikare tê bigihîje, ji bilî tiştekî: mafê milîsên Heşda Şeibî heye, ku ew li K’urdistanê bin, bi pêşmergeyan r’a alozî û p’evçînan derxin, k’urdan bikujin, lê ew rêxistin (PKK), a ku ji bo k’urdan ditêk’oşe û xwe dide kuştin, mafê wê nîne! 

Û hela ser da jî li hember PKK-ê ew û PDK dibin yek, û evên dawîyê soz didin wan, ku wê PKK-îyan ji Xurmatîyê derxin?..

Ezîz ê Cewo

18. 11. 2015

Bi hûrbînî, di vê derbarê da:

http://rojnews.net/KU/Video.aspx?VideoID=1145