1. Mîhrîcana Muzîkê ya Amedê 03:31 24.09.2012 1'emîn Mîhrîcana Mûzîkê ya Amedê ya bi şîara "Em bi deng û rengê hunerê ber bi azadiyê ve dimeşin" dê li Amedê di navbera 25-30'ê îlonê de bê lidarxistin. Di çarçoveya mîhrîcanê de guhdariya mûzîkê, kolana muzîkê, diwana dengbêjan û konser dê li gelek semtên Amedê bên lidarxistin. 1'emîn Mîhrîcana Muzîkê ya Amedê ya ji aliyê Şaredariya Bajarê Mezin a Amedê, şaredariyên Sur, Yenîşehîr, Peyas û Rezan ve tê organîzekirin dê 25-30'ê îlonê de bê lidarxistin. Mîhrîcana bi slogana "Em bi deng û rengê hunerê ber bi azadiyê ve dimeşin" tê lidarxistin hunermend Serhado, Îlkay Akkaya, Niyazî Koyuncu û Şewal Şam û gelek hûnermend dê konseran bidin. Di çarçoveya mîhrîcanê de dê li Derê Çiyê, Îstasyon, Qada Batikentê û gelek salonên din konser bên dayîn. Bernameya mîhrîcanê wisa ye: 25 îlon Vekirina Mîhrîcanê Axaftin, guhdariya muzîkê: Yalda Abbasî û Mohsen Mîzazade Cih: Şelale, Saet: 20.00 26 ilon Muzîka kolana Praksis Cih: Kolana Hunerê, Saet:17.00 Diwana Dengbêjan Dayika Meryem, Seyitxanê Boyaxçî, Apê Selahattin, Silemanê Şirnexî, Cafer, Behiye, Zinet Cih: Parqa Koşuyolu, Saet: 17.30 Konser Kemençe, Rênas Amed, Koma Grava Rojê, Niyazi Koyuncu, Seyda Perînçek Cih: Qada Batikentê, Saet: 19.00 27'ê îlon Muzîka kolanê Sîmurg Cih: Kolana Hunerê, Saet: 17.00 Konser Koma Dengvedan, Amel Mathlouthî, Yasemîn Goksu, Koma Gulen Xerzan, Koma Munzur Cîh: Qada Îstasyonê, Saet: 19.00 28 îlon Bernameya Salonê Yusuf Roman, Yalda Abbasî û Mohsen Mîzazade Cih: Navenda Çandê ya Cegerxwîn, Saet: 17.00 Konser Newaya ro, Koma Jiyara, Adîl Bêrtî, Îlkay Akaya, Çopî Cih: Parkorman, Saet:19.00 29 îlon Panel Mijar: Di dîrokê de muzîka kurdan Moderator: Asya Ozer, Panelîst: Veysî Varli, Dr. Barzan Yasîn, Xemgîn Bîrhat, Mîzgîn Tahîr Cih: Navenda Çandê ya Cegerxwîn, Saet:13.00 Bernameya salonê Koma Êzîdxan, Udî Yervand Cih: Navenda Çandê ya Cegerxwîn, Saet: 17.00 Konser Koroya Jinê (Navenda Çandê ya Dîcle-Firat), Bajar, Zele Mele, Yaşar Kurt, Comert Cih: Qada Derê Çiyê, Saet: 19.30 30 îlon Muzîka kolanê Mubîn Dunen û Kara Guneş Cih: Kolana Hunerê, Saet: 17.00 Konser Koma Razdar, Koma Laleş, Serhado, Şeval Sam, Suavî Cih: Li hemberî Salona Dehwetê ya Ava, Saet: 19.30 (bd/mae)