Li sînorê Kobanê zincîra ji mirovan

11:50 25.09.2014


RIHA 25.09.2014 12:29:56


Çalakiya nobedê ya li ser sînorê Kobanê li dijî êrîşên çeteyên DAIŞ'ê tê girtin, îro bi zincîra ji mirovan dewam dike. Kurdistaniyên ji Wan, Sêrt û Erzîromê hatin tevlî çalakiyê bûn. 21 otobusên ji Stenbolê jî hatin jî li ketina Pirsûsê hatin sekinandin.

Berxwedana Kurdistaniyên li Bakur, ku ji bo li dijî êrîşên çeteyan ên li hemberî Kobanê bibin mertal hat destpêkirin, di roja 8. de bi zincîra ji mirovan dewam dike. Di navbera gundên Alîzeran û Tilverdan ên Pirsûsê de, li qadeke 30 kîlometreyî nobeda berxwedanê mezin dibe.

Yên ji Wan, Sêrt û Erzîromê hatin, îro danê sibê ji gundê Boydê bi sînor ve bi dirûşmên "Bijî Berxwedana YPG, YPJ", "Kujer DAIŞ, hevkar AKP", "Bijî Serok Apo" meşiyan.

Girseya gel hat heta nêzî têlên li ser sînor û li seranserê têlan zincîra ji mirovan çêkirin. Girseya gel berê xwe da çeperên YPG û YPJ'ê yên li Tilşehir ê li Rojava û dirûşmên ji bo YPG û YPJ'ê qîriya.

Welatiyên bi 21 otobusan ji bo tevlî çalakiyê bibin ji Stenbolê hatin jî, li ber tililiyan ketin Pirsûsê. Lê belê piştî demeke kurt wesayît ji aliyê polîsan ve hatin sekinandin.

NUQTEYÊN NOBEDA BERXWEDANÊ

Li gundên Edmanik, Mehser, Zehwan, Kazika, Mersimêl, Musik, Qop, Xerebesk, Elîzêr, Perepere, Oxan ên li rojhilatê Pirsûsê welatiyên ji Erdexan, Qers, Erzîrom, Agirî, Îdir, Colemêrg, Şirnex, Mêrdîn, Êlih, Amed, Semsûr, Dîlok, Mereş, Dêrsim, Edene, Enqere, Îzmîr, Mersîn û Konya, li gundên Boyde, Siwêdê, Kesme, Kêrsan, Konak, Goktepe, Aşme, Zehrî, Zaret ên li rojavayê Pirsûsê jî welatiyên ji Wan, Erzîrom û Sêrtê nobedê digirin.

Gundên Pirsûsê yên lê nobed tên girtin û gundên Kobanê yên li pêşberî wan cih digirin, ev in:

Gundên Pirsûsê:          Gundên Kobanê:

Edmanik                 Kobanê navend

Mehser                   Kobanê navend Tilêcbê)

Zehwan                  Kobanê navend Tilêcbê)

Kazika                    Kazika

Mersimêl                Mersimêl

Musik                     Musik

Qop                        Elîşar

Xerebesk               Comelî

Elîzêr                     Kosik

Perepere               Eynbet

Oxan                    Qeremox

Boydê                   Tilşehir

Tilverdan               Minaz

Siwedê                  Siftek      

Kesme                   Siftek a Jorîn

Kêrsan                  Siftek a Jêrîn

Konak                   Sêlim

Göktepe                Koralî

Aşme                    Aşme

Zehrî (Çiçekalan)   Çeloglû                      

Zaret(Ziyaret)          Zaret