Mamosteyên ziman hatin xelatkirin

04:30 10.05.2015



KOBANÊ – Saziya Zimanê Kurdî (SZK) ya Herêma Kobanê bi boneya nêzîkbûna Cejna Zimanê Kurdî 2OO mamosteyên dibistanên Herêma Kobanê xelat kirin.

Bi armanca xelatdayînê li Navenda Ziman û Perwerdeyê ya Viyan Amara merasîmek hate lidarxistin. Di merasîma ku bi rêzgirtinê destpê kir û 200 mamoste tevlî bûn de Serokê Desteya Perwerdeyê Mihemed Nûrî û Mamostyê Zimanê Kurdî Aras Hiso axivîn.

Di axaftinan de cejna ziman li hemû mamosteyan hate pîrozkirin û li ser rola mamosteyan a di perwerdekirina şagirtan û avakirina nifşên nû hate rawestîn.

Piştî axaftinan ji aliyê mamosteyan ve helbest hatin xwendin û sitran hatin gotin.

Di dawiya merasîmê de ji bo her mamosteyekê 20 hezar lîreyê Suriyê xelat hate dayîn.

Hate gotin ku dê 91 mamosteyên din jî bêne xelatkirin.

(ah/aq)

ANHA