Partiyên Başûr: Divê gel ji naveroka destûrê werin agahdarkirin

10:46 11.06.2015

HANA AZAD/HEWLÊR/ROJNEWS

 
Hêjmarek ji partî û aliyên siyasî li bajarê Hewlêrê ji bo gotûbêjkirina destûr li hev civiyan.

 
Îro 16 partî û aliyên siyasî li ser banga Partiyên Zehmetkêşan, Şuyî û Sosyalîst li baregeha Hizba Şuyî ya Kurdistanê ji bo li ser destûr nîqaş bikin hatin cem hev.

 
Piştî civînê nûnerên partiyan civînek çapemeniyê lidarxistin û diyar kirin ku pêwîste destûra tê amadekirin netewî be û nêrînê hemû aliyan ber çavan bigire.

 
Nûnerê Hizba Şuyî ya Kurdistanê, Ehmed Şêrwanî di civîna çapemeniyê de ragihand ku pêwîste xelkê herêmê ji proseya  amadekirin û naveroka destûr agahdar bibin. Şêrwanî herwiha dazanîn ku divê destûr ji aliyê gel ve were amade kirin û wiha got: “Divê hemû alî beşdarî pergala rêveberiya Herêma Kurdistanê bibi.”

 
16 partiyan herwiha destnîşan kirin ku divê civînên bi vî rengî hertim berdewam bike.

 
Heta niha 9 made ji destûra Herêma Kurdistanê ji aliyê komisyona 21 kesî ve hatine amadekirin. Mijara destûr yek ji rojevên sereke û girîng ê Başûrê Kurdistanê ye.

 
(ge)