AKP û PDK’ê rê li pêşiya Kobanê girtine

08:05 06.12.2015

ŞERVÎN MUSTEFA

EFRÎN – Li aliyekî hikûmeta AKP’ê û li aliyê din PDK’ê rê nadin ku made û alîkariyê ji bo Kobanê derbas bibin.

XELÎL SÎNO

Ji Rêveberên Komîteya Jinûve Avakirina Kobanê ya Kantona Efrînê Xelîl Sîno girêdayî mijarê agahî da ANHA’yê û da xuyakirin ku hikûmeta Tirk û PDK’ê ev du heftî ne nahêlin madeyên avakirinê wekî “hesin, qûm, alavên veguhestinê, pêdiviyên nexweşxaneyan û hwd” derbasî kantonê bibin û deriyên xwe li pêşiya derbaskirina alîkariyên mirovî girtine. Xelîl destnîşan kir ku di demeke ku pêdiviya Kobanê bi yek metre hesin jî heye, herdu deriyên sînor ên Sêmalka û Murşitpinarê hatine girtin.

Li gorî Sîno, hin proje bi saya alîkariyên ku hatine şandin pêk hatin, lê girtine deriyên sînor pîlan û projeyên di çarçoveya jinûve avakirina Kobanê asteng dikin.

Sîno ji rêxistinên mirovahiyê yên navnetewî xwest ku destwerdanê bikin da ku herdu derî werin vekirin.

(he)

ANHA