TEV-DEM’ê spasiya hêzên parastinê kir

05:02 24.03.2016



QAMIŞLO – Komîteya Têkiliyên Diplomasî ya TEV-DEM’ê spasiya hêzên ku şahiyên Newrozê yên 2016’an parastin, kirin.

Şandeyek ji Tevgera Civaka Demokratîk (TEV-DEM) bi armanca spasiya hêzên parastinê şahiyên Newrozê kirin  û hiştin ku gel karibe şahiyên xwe bi aramî û di nava ewlehiyê de pîroz bike, serdana navendên  Desteya Parastinê ya Kantona Cizîrê, Rêveberiya Giştî ya Hêzên Asayîşê û Rêveberiya Giştî ya Hêzên Tirafîkê kirin. Di serdanê de spasiya van hêzan hat kirin û spasname ji wan re hat pêşkêşkirin.

Di roja Newrozê de li Qamişlo, zêdetirî hezar endamên Hêzên Asayîşê li cihê pîrozbahiyên hatibûn bicihkirin û welatî diparastin. Her wiha hêzên Tirafîkê û hêzên erka xweparastinê jî, li her derê hatibûn bicihkirin û ji bo hemû rewşên awarte amade bûn.

(dm)

ANHA