Çareserî zanakirina civakê ye

05:05 12.07.2016

EFRÎN – Saziyên jinan ji bo pêşîgirtina bûyerên wekî kuştina jinan li Kantona Efrînê lez dan xebatan û bernameyeke zanekirina civakî derxistin.

Di vê salê de li Kantona Efrînê hejmara  jinên ku bi sedemên cuda hatine kuştin    gihiştiye dehan.Bi  armanca pêşîgirtina  li hember rewşên kuştina  jinan   û   gotûbêjkirina  sedemên derktina  van  bûyeran rêxistinên jinan ên Kantona Efrînê  dê  rêze civînan li                                            navenda Kantonê û gundên girêday î wê li  dar   bixin.

Piştî ku  sazî û rêxistinên jinan ên Kantona Efîrnê  ” Kongireya Star, Asayîşa Jin, Rêxistina Mafê Mirovan,  Rêxistinan Sara ya    li dijî  tundiya li  hember jinê, Navena Rojava a Lêkolînên Stratîjîk, Partiya Yekîtiya Demokratîk (PYD) û Weqfa Jina Azad a Rojava”   di 3’ê tîrmeha 2016’an de li hev civiyan,  li ser rûdana   bûyerên  qetilkirina jinan de vê dema dawiyê de rexnedayîna xwe dan û bi daxuyaniyekê bernameya xwe ya  lidarxistina  rêze civînan li Kantona Efrînê ragihandin.

Bernameya sazî û rêxistinên jinan a lidarxistina  civînan wiha ye:

-Di 12’ê  tîrmehê saat  18 :00’an de   li gundê Xilênir û Kefer Şîl   yên  girêdayî  Xeta Rojava  ya Kantona Efrînê  civîna 1’emîn pêk  tê.

-Di 13’ê tîrmehê  saat 18:00’an de li gundê Istêrka û Cuqa yên girêdayî  Xeta Başûrê  Kantonê   civîn pêk tê.

-Di 14’ê tîrmehê saat 18:00’an de  li gundê Qêbar û Cumaka ya girêdayî xeta Rojhilat  civîn pêk tê.

-Di 15’ê tîrmehê saat 18:00’an de li  taxên El- Zeydiyê û  Mehmûdiyê yên  girêdayî  Navena bajêr civîn pêk  tên.

-Di 16’ê  tîrmehê  saat 18 :00’an de   li taxa Efrîn a Kevnar civîn pêk  tê.

-Di 17’ê  tîrmehê  saat 18 :00’an de li  Qada Azdiyê ya    girêdayî  taxa Efrîna nû  civîn pêk tê.

-Di 18’ê  tîrmehê saat 18:00’an de li navenda  çand û hunerê y a Kantona Efrînê civîneke berfereh  pêk tê.

(xê)

ANHA