Li Kolombiyayê di referandûmê de peymana dîrokî nehat qebûlkirin

04:04 03.10.2016

NAVENDA NÛÇEYAN - ROJNEWS

 
Peymana aştiyê, ku di hefteya bihurî de ji aliyê Serokdewletê Kolombiyayê Jûan Manûel Sasntos û lîderê FARC'ê Tîmoleon Jîmenez ve hat îmzekirin, pêşkêşî referandûmê hat kirin. Li gorî encamên vê referandûmê, ji sedî 50,24 ê hilbijêran peymana aştiyê qebûl nekirin.

 
Encamên referandûmê her du alî xist nava şoqê. Li ser rê û rêbazên ji niha û pê ve werin bikaranîn, hê jî ti daxuyanî nehatiye dayîn.

 
Serokdewletê Kolombiyayê Santos di daxuyaniya xwe ya beriya referandûmê de dabû xuyakirin, ku ji bo qedandina şer planeke wan a B nîne.