GUR Û LEGLEG

11:32 18.08.2019

LA FONTEN / Werger: Memê Miksî
 
 
 
Heçî ku ev gur hene 
Ketiyên devên xwe ne

Yek hat û çû wê rojê
Hin mabû ketî dojê
Li geryê mabû hestî 
Tiştek nedhat ji destî
Ne deng dihat ne orrîn
Çav zîq mabûn li jorîn
Dît Leglegek hat raser
Dest kir hem lêhejand ser
Legleg li ba gur dada 
Bû çiyayê mirada
Xwe dahelend devê gur
Nikil bir heta stukur
Derxist hestî ji gerî 
Gur anî rewşa berî
Dû re leglek ji gur xwest
Ji bo vî karî heqdest
Gur got: Tu çi dibêjî ?
Ey cahilê bêmejî 
Min ku rehm bi te anî
Bêguman pê nizanî
Esil ez bûm qenc û baş
Serê te nekir ji laş
Îcar tu bike şikir
Biqeşte here ji vir.
Dîroka wergera kurmancî: 30.04.2019