Cejna Peyman hate pîroz kirin

07:51 26.08.2019

Cejna Peyman ji aliyê Zerdeştiyan ve bi beşdariya pêkhateyên cûda li Şikefta Qizqapan a li Silêmanî hate pîroz kirin.

Hemû salek bawermendên Zerdeştî roja 21’ê Tebaxê li Şikefta Qizpan a li Silêmanî cejna nûkirina peyamana heskirin û bihevre jiyankirinê pîroz dikin. Ev çarem sale ev cejin tê pîrozkirin.
Di merasîma pîrozkirina cejnê de gelek kesayet û pêkhateyên cûda yên wek Kakeyî, Êzidî û Zerdeştî amadebûn. Beşdarvanan cil û bergên Kurdî  li xwe kiribûn.
Beşdarvanên merasîmê bi meşek berbi şikefta Qizqapan birêketin. Di meşê de ala Zerdeştiyan hate bilindkirin. Piştî gihiştin ber derê şikeftê merasîmê bi deqek rêzgirtin û gotina sirûda Zerdeştiyan despêkir.
Piştre peyama Zerdeştiyan ji aliyê Pîrê Zerdeştiyan Pîr Luqman ve hate xwendin. Piştre peyamên pêkhateyên din hatin xwendin.
Merasîm piştre bi stran gotin û girtina govendê berdewam kir.
1400 sal bûn ev cejin nedihat pîroz kirin. Ev sala çareme ev cejin tê pîrozkirin. Şikefta Qizqapan gora Diyako têde ye ku Diyako împaratoriya Medya avakiriye.