Awazê Çiya klîp û stranek nû çêkir: Ev der Heftanîn e!

02:26 11.07.2020

Koma muzîkê ya gerîla Awazê Çiya bi navê ‘Ev der Heftanîn e’ berhemek nû pêşkêşî guhdarên xwe kir. Stran û gotin a Awazê Çiya ye.
 
https://1649452211.rsc.cdn77.org/vod/11.07.2020-Awaze-ciya-ev-der-heftanin-e.mp4
Komê berhema xwe ya nû di serî de diyarî gelê li Heftanîn, gelê Şêladizê û dîsa hemû gerîlayên li dijî dagirkeriyê li berxwe didin kir.
Di klîbê de dîmenên gerîlayan li çiyayên Kurdistanê di werzên zivistan û havînê de bi coş û berxwedêr dîsa dîmenên berxwedanê yên gerîlayan a sala borî û serhildanên gel ên Şêladizê û Kobanê li xwe digire.
Klîp destpêkê li MED Muzîk TV piştre jî li gelek malperên dijîtal hate parvekirin.
GOTINÊN STRANÊ
Gotinên berhema Awazê Çiya a ‘Ev der Heftanîn e’ wiha ye:
"Em xwedanên vê erdê ne
Siwariyên vê cengê ne
Zarên li navsera çiyê ne
 
Ey kelha evîndara
Xemla te ji pelkê dara
Singa te ji bêndera gela
Şax sîbera gerîla
 
Neyar ti car nabe yar
Li me Kurda ye bazar
Dagir dike ax û war
Rabe Kurdo bi hawar
 
Palevan werne palê
Biçinin berhema salê
Zebaniyên li deriyê malê
Têk bibin bi yek carê."