KURDİSTANÊ ÇÊ BE

10:04 04.12.2016

Gelo  êdî dizanim 

Kurdistanê çê be!.. 

Roj ewqas ne dûr in 

De werin bra werin! 

Di nav koma xwe de 

Hemî refê xwe bigirin. 

De werin helê werin , 

Ne tenê yek bi yek 

Bi hezaran û hezaran, 

Bi komasî mîlyonan! 

Dengê xwe zû  rakin , 

Ala Kurdan xweş bakin. 

Îro dibe, an jî sibe dibe 

Warê Kurdan yê çê be. 

Rengê kesk û sor û zer 

Li ser wê spî û gewher 

Ala Kurd nîşana wê  be...

Ez dozdarim, bi bawerim, 

Ez dizanim  ewê  çê  be , 

Endama nav koma miletan 

Her çaktirîn yê ciyê wê  be.




Îro dibe, 

         An jî sibe dibe  , 

Ez dizanim 

Ewê her çê be! 

       Ew roj yê be, 

            Ewê  serxwe be !.. 

Komara Gel yê navê wê be. 

Ez dizanim, 

Kurdistanê çê be, 

Bila Zaza, Soran û Kurmanc 

Hemî Kurdên qenc gelê wê be. 

Bi wekhevî û bi aşitî li her cih 

Li seranserê hemî Kurdistan 

Kurdên bi hevra bijîn wek bran.

Gelo ez dizanim Kurdistanê çê be! 

Hêdî dem hatiye, azadî mafê wê be. 

Her cihê welat behîşt, bax û bostan 

Her bijî, ava dibe Kurd û Kurdistan... 




Awê Balî (Abuzer Balî Han)