AHÛYÊ EZ PIR ZELÎL IM

11:27 18.08.2019

Dikim nezir canê şîrîn
Ger canan carek nezer ke
Binefşa geliyê Hêrîn
Bo her derdên me tuberk e
 
 
Tuberka bo derdan dewa
Xistin kemînê wek kewa
Hew jê tê pêjin û newa
Kula dilkê xwe naderke
 
 
Narêj ew ya dilê pakîn
Ya Reb niza dê em ça kîn
Ji vê heznê ber helak în
Bi serê Mem û Qember ke
 
 
Bi navê tev rêhevalan
Pîrebokên dor li malan
Xapandin bi sihr û falan
Ca li ber çavan me qer ke
 
 
Li ber çavan qer û qîl im
Heqîqet ron û qendîl im
Ahûyê ez pir zelîl im
Bes ji vînê dil heder ke
 
 
10.08.2019
Memê Miksî
 
qer û qîl (Hemwate) : Reş