Du helbest: Welat û Xwerîbî

04:57 07.04.2006

Welat 
tu mîna masiyekî yî 
ku di nav bahra dilê min de 
quncik bi quncik 
li pariya herî xweş digerî 
lê tu nizanî ku 
ew dil bi xwe jî 
di nav bihuşta dilê te de 
pariyeke pir piçûk e?..


1999 - Stockholm
* * * * * * * * * * * * * * * * * * * * * * * * * * * * * *
Xerîbî
ez li wir bûm
ez li wir bûbûm ji xwe
ew gund jî li wir bû
ew jî li wir ava bûbû ji xwe
rojekê
tofanek rabû
û em dane ber xwe
peşî ez ber pê ketim
dû re jî gund
niha
ne ez li wir im
û
ne jî gund

2000 - Stockholm 
Mahabad F. Arda