EZ

05:27 17.07.2007

Ji axê bûme 

Axê vedikolim 

Sînoran ava dikim li ser 

Parve dikim 

Dibime desthilatdar 

Ji bo wê şer dikim

Û yê tif dikê Ez 

Û yê dibe ax, dîsa Ez 

Yê şer dike Ez 

Yê hez jî dike, dîsa Ez 


Dijminê xwezayê, yê mirovan 

Dijminê sedemên hebûna xwe 

Kolînerê mezelê xwe 

Bi erzanî, Ez 


Yê diafirîne Ez 

Yê hildiberîne Ez 

Yê dijîne Ez 

Yê tune dike dîsa Ez


Û ez li xwe geriyam her tim 

Ez ji xwe reviyam her tim 

Her ku ji xwe bi dûr ketim 

Bûme giyan Bûme Xweda

Min xwe sparte Neezan Tuneyan

Tiştên tu carî nebûne tişt 


Dema min xwe bi Xwe sînor kir 

Ez bûme cinawir 

Dema min Xwe înkar kir 

Bûme sî 

Dema hînê jîyana bi Ezên din re bûm 

Bûme mirov 


Dema min Ez dîtim 

Têgihîştim 

Tiştê lê digerim Ez bi xwe me 

Û tiştê jê direvim!.. 


Û gihîştim raza rastiyê 

Bûme desthilatdar 

Li ser çavbirçîtiya nefsê 

Cinawiriya wê… 

Û jîyan di destên min de piçûk bû 

Mirin jî herwiha 

Wê demê ez bûme Ez 

Ez bûme rastî Rastî jî, Ez! 

Desthilatdar Ez bûm êdî 

(Stockholm – 21 Eylül 2003)