هاوسەرۆکی گشتیی پارتی یەکسانی و دیموکراسیی گەلان (دەم پارتی) تونجەر باقرهان لە کۆبوونەوەی فراکسیۆنی پارتەکەیدا لەسەر پرسی کورد و گفتوگۆکانی پرۆسەی ئاشتی، لێدوانی گرنگی دا و جەختی لە پێویستیی هەنگاوی پراکتیکی لە بواری یاساییدا کردەوە.
بەپێی زانیارییەکانی کوردستان٢٤، تونجەر باقرهان ڕایگەیاند سەردەمی قسەی بێئاکام کۆتایی هاتووە و دەبێت دەستبەجێ کۆمیسیۆنی هەماهەنگیی چەکدانان و ستراتیژ دەستبەکار بێت تا متمانە بۆ پرۆسەکە بگەڕێتەوە.
باقرهان ئاماژەی بە ڕۆڵی عەبدوڵڵا ئۆجەلان کرد و داوای کرد هەلومەرجی لەباری کارکردنی بۆ فەراهەم بکرێت تا بتوانێت لەگەڵ هەموو لایەنە پەیوەندیدارەکاندا کۆببێتەوە و ڕۆڵی خۆی بگێڕێت.
هاوسەرۆکی دەم پارتی ڕایگەیاند کە پەرلەمانی تورکیا پێویستە کۆمیسیۆنی چاودێری پێکبهێنێت و یاساکانی پەیوەست بە چارەسەری ئاشتییانە پەسەند بکات.
وێنە: کوردستان٢٤