Di encama wergerandina wesayîta ku leşker dibin navçeya Qilebanê ya Şirnexê de 11 leşker û ajokarê wesayîtê jiyana xwe ji dest dan. Xizmên kesên di komkujiya Roboskiyê de jiyana xwe ji dest dan alîkariya leşkerên di qezayê de birîndar bûn kirin.

Minibûsa sivîl a ku ji Qereqola gundê Roboskiyê ya navçeya Qilebanê ya Şirnexê leşker dibirin Qilebanê di rê de wergeriya. Di encama qezayê de 12 kesan jiyana xwe ji dest dan û 3 leşker jî birîndar bûn. Piştî qezayê xizmên welatiyên di komkujiya Roboskiyê de jiyana xwe ji dest dan çûn cihê bûyerê û mudaxele li qezayê kirin û leşkerên birîndar birin nexweşxaneyê. Pişt qezayê gelek leşker ber bi herêma qezayê ve hatin sewqkirin. Hate hînbûn ku bi helîkopteran leşkerên jiyana xwe ji dest dan û birîndar bûn birin Nexweşxaneya Dewletê ya Şirnexê.

(bd/mae)