Wê li malê tedawiya Ramangerê navdar Noam Chomsky bê domandin
Zimanzan û ramangerê Emerîkî Noam Chomsky roja Şêşemê ji nexweşxaneyeke li Sao Paûloyê derket û wê li mala wî tedawiya wî bê domandin
Nexweşxaneya Beneficência Portuguesa de Sao Paulo rojeveke tibbî ji AFP’ê re şand û ragihand ku “nexweş Noam Chomsky wê li malê tedawiya wî bê domandin û ji nexweşxaneyê derket.”
Piştî ku hin agahî li ser torên dîjîtal belav bûn ku dihat gotin entelektuelê 95 salî miriye, ev daxuyanî ji nexweşxaneyê hat.
Hevjîna wî Valerîa Chomsky bersiv da e-postayeke ku ji AFP’ê hatî, û ev tişt nivîsand: “Ev ne rast e, ew baş e.”
Chomsky ku yek ji piştevanên nêz ê gelê Kurd e, li dijî dagirkeriya DYE’yê ya li Iraqê û Şerê Vîetnamê derketibû. Chomsky nêzî lîderên Emerîkaya Latîn a çepgir ên mîna Fîdel Castro ye. Salên dirêj endamê Massachusetts Institute of Technology (MIT) bû û hîna jî li Zanîngeha Arîzonayê weke Profesorê Zimanzan Emerîtus wezîfe dimeşîne.
ANF