RIHA (DÎHA) - Zarokên Kobaniyê yên li konbajarê AFAD'ê ya di qereqola kevn a Elîgorê de dimînin perwerdeya tirkî, erebî û olî dibînin. Dayik û bavên zarokan, li dijî perwerdehiya erebî û tirkî bertekên xwe anîn ziman û xwestin perwerdehiya zimanê kurdî jî bê dayîn.

AFAD li Navçeya Pirsûsa Rihayê li şûna daxwaza welatiyên kobanê ya perwerdehiya kurdî, perwerdehiya bi zimanê erebî dide welatiyan. Welatiyên ji Kobanê hatin wargeha AFAD'ê bi cih bûn, di şert û mercên dijwar de jiyana xwe didomînin. Welatiyan diyar kirin ku di bin êrîşên polîs û leşkeran de dijîn û di konan de perwerdehiya tirkî, erebî û olî dibînin. Welatiyan destnîşan kir ku dixwazin zarokên wan zimanê kurdî hîn bibin. Di nav hezar kesên di konbajarê de 200 zarok hene û bi bişavtinê re rû bi rû manin. Mamostê zimanê kurdi Mihemed Bozan da zanîn ku ji bo perwedeya zimanê kurdî bên dayîn serî li berpirsyarên AFAD'ê daye, lê ev serlêdana wî nehatiye qebûlkirin. Bozan, da zanîn ku tê xwestin zimanê wan bê jibîrkirin.

'Ger zarokan difikirin bila zimanê wan rê wan bidin'

Bozan, da zanîn ku hemû zorok dixwazin bi zimanê dayikên xwe perwerdê bibînin û wiha got: "Li konbajarê em lê dimînin gelek tişt dizîvirin. Di konekê de li ser navê perwedeyê dersên kuranê, zimanê tirkî û erebî tên dayîn. Ez mamosteyê kurdî me. Min jî xwest zarok zimanê dayika xwe ji bîr nekin min serî li berpirsyara da. Lê mixabin ne pejirandin. Ez vê helwesta wan şermezar dikim. Tê xwestin ku zimanê kurdî bê jibîrkirin. Ev feraseta wan şaş e. Zimanê me rûmeta me ye. Ger zaroka diikirin, heger zarokan difikirin bila zimanê wan rê wan bidin."

(kom/mae)