Nimêja Înê ya Sivîl ku her hefte bi boneya polîtîkayên dewletê yên li hemberî olê îslamê şermezar bikin li kolanan tê kirin, di roja ewil a Rojiya Remezanê de bi tevlêbûna hezaran hate kirin. Di nimêja înê de mudaxaleya polîsan a di 14'ê Tîrmehê de li dijî gelê Amadê, BDP'ê û KCD'ê pêk hat hate şermezarkirin.

Çalakiyên Nimêja Sivîl a Înê di roja ewil a Rojiya Remezanê de bi girseyî hate kirin. Li navçeyên Cizîr, Sîlopî, Hezex ên Şirnexê, Riha, Sêrt, Misirc, Êlihê, navçeyên Farqîn, Bîsmîl û Amedê, li Wan Colemêrg, Mêrsîn Turgutlu û Manîsayê bi hezaran welatiyên kurd derketin qadar û ref girêdan. Di nimêjan de li ser girîngiya meha Remezanê û pêvajoyê siyasî axivî. Meleyan diyar kirin ku meha remezanê ji bo alema îslamê û civakê gelek girînge û li hemû alema Îslamê û li welatiya pîroz kir. Meleyan anî ziman ku meha Remezanê meha paqijiyê û wekheviyê ye û got di vê mehê de xayîntî, neyartî, zilm û dijminatî herame. Meleyan wiha got: "Ola Îslamê hinek kes li gorî xwe bi rêve dibin û sextekariyê li ser olê dikin. Êdî bes e bila aşîtî û biratî pêk were. Bila xwîn nerije. Li vî welatî her roj mirov û ciwanê me tên kuştin. Pêwîste ev operasyonê siyasî û leşkerî, demek beriya demek bi dawî bibin. Bila ev pirsgirêk bi muhatabê wê re were çareserkirin. Gelê kurd ji bo azadî, aşîtî, demokrasî û edaletê tî bûne û dixwazin."

(bg/mae)