ANHA - KOBANÊ- Li herêma Kobanê çeteyên DAIŞ’ê ji du aliyan ve êrîşî herêmê kirin, li vir çete rastî bersiva şervanên YPG’ê hatin û di encamê de şer û pevçûn di navbera herdu aliyan de derket. Di encama pevçûnan de gelek çete hatin kuştin, tirimpêleke çeteyan hate rûxandin û yeka din jî hate bêbandor kirin. Her wiha 4 navendên wan hatin rûxandin.

Nûçegihanê ANHA’yê ragihand ku çeteyên DAIŞ’ê şevê din ji du aliyan rojhilat û rojavayê herêmê ve êrîşî kirin û li vir rastî bersiva şervanên YPG’ê hatin.

Li aliyê rojhilatê herêmê çeteyan ji gundê Sosik êrîşî gundê Gir Sor kirin. Li vir rastî bersiva YPG’ê hatin û pevçûn di navbera herdu aliyan de derketin. Di encamê de 2 çete hatin kuştin û gelek jî birîndar bûn.

Li aliyê rojavayê herêmê şevê din di êrîşa çeteyan de ku ji gundê Xerab Eto êrîşî gundê Keçelê kirin, şer û pevçûn di navbera herdu aliyan de derketin. Di encamê de 3 çete hatin kuştin.

Di çalakiya bersivdayîna şervanên YPG’ê li dijî bargehên çeteyan ên li gundê Xerab Eto û El-Cedîde yên rojavayê herêmê de, tirimpêleke çeteyan hate rûxandin û yeka din jî hate bêbandorkirin. Her wiha 4 navendên çeteyan hatin rûxandin di encama pevçûnên li vir gelek çete hatin kuştin û birîndarkirin.

(jh)