EDENE (DÎHA) - Li Edeneyê di dema çalakiyên şermezarkirina qereqol û kelehkolan de teqemeniya ku ji aliyê polîsan hat avêtin li serê Îbrahîm Aras ket û jiyana xwe ji dest da. Welatiyan bi riya telefonê li 112 servîsa lezgîn û 155 Polîs geriyan lê li hember hemû daxwazên gel, ambulans nehat cihê bûyerê.

Li taxa Hurriyet ya navçeya Seyhana Edeneyê di dema çalakiyên şermezarkirina qereqol û kelehkolan de teqemeniya ku ji aliyê polîsan hat avêtin li serê Îbrahîm Aras (15) ket û jiyana xwe ji dest da. Di dosyaya lêpirsînê de qeydên deng yên ku welatiyan bi riya telefonê li 112 servîsa lezgîn û 155 Polîs geriyan derketin holê. Ji welatiyên ku ambûlans xwestine re wiha hatiye gotin: "Em nikarin bikevin, hûn bibin qereqolê bila ekîba me li wir bigire." Di qeydên 155 Polîs de tê gotin ku cenaze li erdê ye lê dîsa jî polîs bombeyên gazê diavêje û divê polîs gaz neavêjin. Parêzerê malbatê Vedat Ozkan diyar kir ku li ser bûyerê re mehek derbas bûye, lê hê jî polîsan lêkolîneke baş nekirine.

'Derewa di dest de bombe teqiya'

Parêzer Vedat Ozkan anî ziman ku welatiyên ku bûyer dîtine, 112 û 155 Polîs geriyane, lê îfadeya wan welatiyan nehatiye girtin, piştî bûyerê hat gotin ku di destê Îbrahîm Aras de bombe hebûye, lê di destê wî de şopa bombeyê tune bû. Piştî daxuyaniyên emniyet û walîtiya Edeneyê, çapemeniyê nûçeyên derew yên wekî; 'Bombe di dest de teqiya' serwîs kirin û bi fezlekeyê hatibû aşkerakirin ku ev daxuyaniya walîtiyê derew e. Qeydên deng wiha ne:

Îxbarker: Li taxa Hurriyetê meş heye, bombeya deng serê zarokê teqandiye. 155: Çi çi bi bombeya deng teqiyaye. Î: Di serê zarok de, ambulansa lezgîn, polîs nahêlin em zarokê li taxa Hurriyetê bigirin. 155: Min fêm nekir, çi hatiye serê zarok. Î: Xalo serê zarok qut bûye. 155: Kî şikestandiye. Î: Serê zarok bi bombeya deng qût bûye. 155: 112 bigere, 112 bigere. Î: Polîs nahêlin, gaza îsotê diavêjin. 155: Gaza îsotê li zarokê ket, kuçeyeke wisa ye. Î: Kekê, kekê, kekê, kekê 155: Hejmara kolanê bibêje. Î: Xalo taxa Hurriyetê. 155: Hejmara kolanê çi ye? Î: Ez kolanê nizanim xalo. 155: Li wir dengê qêrînê tê, ew çi qêrîn e? Î: Jin, xalo serê zarok qût bûye... 155: Serê wî qût bûye? Î: Polîs li wir in, nahêlin, xalo polîs nahêlin em biçin. 155: Xwîn li serê wî tê? Î: Serê wî qut bûye, qut bûye. 155: Li ku derê? Î: Li taxa Hurriyetê. 155: Serê çi qût bûye, serê çi? Î: Serê zarok, zarok 155: Zarok çend salî ye? Î: 14 salî filan. 155: 14 salî. Ji min re hejmara kolanê bibêje. Î: Xalo li taxa Hurriyetê meş çê dibe... 155: Êrêê... Î: Dema polîs bombeya deng avêtiye serê zarok qût bûye. 155: Ma ji bombeya deng serê zarok qût dibe, çima polîs bombe biavêje zarok? Î: Xalo welle nizanim, zarok li wir erdê maye.

112: Xwîn heye Îxbarker: Dibêjin mêjiyê wî belav bûye, wisa li erdê maye, mêjiyê wî derketiye. 112: Saniyekî bisekinin. Esîn taxa Hurriyetê ji vakaya re vekiriye, dê bibin Daglioglu ne wisa? Hurriyet, hûn niha li nêz in. Hûn dikarin biçin ji wan bibêjin bila bibin Qereqola Polîsan a Hurriyetê, nikarin bikevin wir. Î: Dê kî bibe? 112: Niha ambulans nikare bikeve wir. Î: Li ser zarok tonek milet, tonek polîs heye, mêjiyê wî belav bûye, wisa li erdê ye, nav xwînê de maye. 112: Temam ez we fêm dikim, di encamê de em nikarin bikevin wir, niha ambulans nikare bikeve wir. Î: Dikarin li aliyê Saydam ve werin. 112: Niha polîs jî nikarin bikevin, hûn fêm dikin.

'Polîs bombeya gazê avêt'

112: Keremkin. Î: Heyf e, em li taxa Hurriyetê rûdinên, em niha li mal in, li vir çalakî hebû. Memûrekî bombeya gazê avêt serê zarok û mêjiyê wî belav bû. Mêjiyê wî li ber derî belav bûye, eger hûn bi lezgînî ambulans bişînin... 112: Dibêjin dergûş e, ev çend salî ye? Î: Na na, zarok e, yaho cenazeyê wî li vir e, mêjiyê wî belav bû, li erdê belav bûye. 112: Ka binêrin ambulans nikare bikeve wir. Î: Ambulans nakeve, lê memûr jî nasekinin. 112: Te gotiye ez ê bibim qereqolê. Î: Na na, birina qereqolê filan tune. 112: Ambulans nikare bikeve wir, yanê ji ber ku polîs nikare bikeve wir, ambûlans jî nikare bikevê. Î: Temam, lê polîs bênavber gaz diavêjin.

(ça)