MINBIC (DÎHA) – Operasyona Şervanên Meclîsa Leşkerî ya Minbicê ya li dijî endamên çeteyên DAIŞ'ê berdewam dike. Di şerên ku qewimîn de, 80 çete hatin kuştin, maşîneyeke zirxî û hawanek hatin ruxandin.

Li gorî nûçeya Ajansa Nûçeyan a Hawarê (ANHA) hat ragihandin ku çeteyên DAIŞ’ê di saet 04.00’ê berbangê de, ji 3 aliyan ve êrîşî aliyên Çemê Sacûr ê li bakurê Minbicê, gundên Qera El-Kebîra û Qera El-Zixîra û Oseclî Tok El-Xelîl yên li başûr û gundê Um Edese yê li rojavayê Minbicê kirin.

Şervanên Meclîsa Leşkerî ya Minbicê bersiveke tûnd dan çeteyan û şer derket. Şer ku derket heta niha jî didome. Nûçegihanan dan zanîn ku di şerên li vir de bi qasî ku hatiye zanîn, 80 çete hatin kuştin û maşîneyek û hawaneke çeteyan hatine ruxandin.

(mae)