MINBIC 05.03.2014 10:37:02 Navenda Ragihandinê ya Lîwa Cebhet El-Ekrad (Eniya Kurd) ragihand ku şervanên wan bi alîkariya şervanên Lîwa Ehrar Sûriyê du bendên kontrolê yên komên DAIŞ`ê yên rojhilatê bajarê Minbicê xistine bin kontrola xwe û gelek çeteyên DAIŞ`ê kuştine.

Di daxuynaiya Navenda Ragihandinê ya Cebhet El-Ekrad de ev tişt hatin gotin:"Li rojhilatê Minbicê di navbera şervanên Cebhet El-Ekar û şervanên Lîwa Ehrar Sûriya li aliyekî û komên DAIŞ`ê de pevçûnên dijwar rû dan û di encamê de benda kontrolê ya DAIŞ`ê ya li ser xaçerêya Eliksanê hate rizgar kirin." El-Ekrad da zanîn ku di pevçûnan de gelek endamên komên çete hatine kuştin û hêzên wan hîn bi pêş de diçin.

Navenda Ragihandinê ya Lîwa El-Ekrad her wiha diyar kir ku şervanên wan û şervanên Lîwa Ehrar Sûriya êrîşî benda kontrolê ya komên DAIŞ`ê yê herêma Menkûba ya Rojhilatê Minbicê kirine û bi kêmanî 8 endamên DAIŞ`ê hatine kuştin.