Komeleya Navenda Lêkolînê ya Ciwanên Mezopotamyayê MGAM-DER'ê 8 kursên ku ji beşên çûda pêk tê ji bo ciwan û zarokan vekirin. 220 xwendekar di van kursan dê perwerde bibin.

Komeleya Navenda Lêkolînê ya Ciwanên Mezopotamyayê MGAM-DER'ê 8 kursên ku beşên wan çûda pêk bê ji bo ciwan û zarokan vekirin. Ji bo ciwan û zarok zimanê xwe fêr bibin, çanda û hûnera xwe nasbikin û demê xwe yê vala bi amûrên ne baş derbas nekin, ev kurs hatine vekirin. Endamê Komeleya Navenda Lêkolînê ya Ciwanên Mezopotamyayê MGAM-DER'ê Osman Bozkurt diyar dike ku ji bo pêşketin û arîkarî dayîna ciwan û zarokan wan biryar dane ku van kursan vekin û wiha axivî: "Her sal em kursên wiha ji xwendekarên ciwan û zarok re kursên wiha vedikin. Lê ev sal kursên me ji her salî bêtir rastî eleqeyeke mezina ya ciwan û zarokan hat."

Ji bo ciwanan 8 kursên beşên çûda tên diyîn

Bozkurt anî ziman ku armanca wan ew e ku ciwan di betlaneya dibistanêde demê xwe vale derbas nekin û wiha pêde çû: "Weke tê zanîn di dema betlaneyê de gelek ciwanên me demê wan vale derbas debin û dema dibistan destpêdike ciwan di dersan de zaroyên mezin dikişînin. Weke tê zanîn li Amedê ciwan ji bo ferî tiştên ne baş bibin gelek hewildan hene. Em jî ji bo ciwanên xwe ji van nêzîkatiyan biparêzîn û nebin amûrên tiştên xirab û ne baş me serî li rêbazeke wiha da. Em dixwazin bi van kursan ciwanên xwe pêşbixin. Bi her awayî giringiya kursan ji ciwan û zarokan re giringe." Bozkurt da zanîn ku eleqeya ku ciwan nîşanî kursan didin wana pir keyf xweş dike û wiha got: " Xûya dike ku ciwan û zarokên me ji vêna gelek bi keyf xweşin. Ev keyxweşî bi mere jî moralekê çêdike. Niha di bûnya MGAM-DER'ê de em 8 kurs hatine vekirîne. Ev 8 kursên me wihane, kursa zimanê zikmakî, zimanê Îngîlîzî, zimanî Zazakî, bîlgîseyar, şano, çikirina wêne, dîlan û Erbane ye. Her kursek rojên wan eşkrene. Kursên me di navbera 2 û 3 saetan tê dayîn. Kuntejana kursên me ji 20 ciwan pêk tê. Lê li gorî kursan hejmara xwendekaran hêjmar tê gohertin. Li gel kuntejana kursê me tejî bûye hîna jî serî lêdan tên çêkirin. Mînak ji ber ku serî lêdana ji bo kursa zimanê zikmakî û îngîlîzî zêdebûn, me ew kirin du pûl. Yanî niha du pûlên zimanê zikmakî û du jî yên îngîlîzî hene. Bi giştî hêjmara xwendekarên ku tên kursan 220' e û 15 mamosta jî dersan didin."

'Eleqeya ji bo zimanê zikmakî zêdeye'

Bozkurt, desnîşan kir ku zimanê zikmakî hêdî hêdî tê ji bîr kirin û wiha dirêjî da axaftinê xwe: "Bi teybetî eleqeyeke mezin ji zimanê zikmakî re heye. Weke ku tê zanîn hêdî hêdî zimanê zikmakî tê ji bîr kirin. Ji ber ku pişavtineke mezin heye. Em jî weke MGAM-DER'ê naxwazin tu ciwan ji zimanê xwe dûr bikeve û zimanê xwe bîr bike. Ziman û çand hebûna mirovan dide ava kirin. Em jî weke ciwanên kurd berpirsiyartiya ku dikeve ser milê me, me xwe wiha bînin cih. Di kursa dîlanê de niha em dîlana herêma Amedê nîşandidin. Di demên pêşde dîlanên herêmên din jî em ê nîşan bidin. Weke me gotî daxwazeke pir mezin heye. Ji bo ku em ciwanên xwe vale nerêkin em wana jî digrin kursan. Ev kursên me dê sê mehan bi dome. Gava kursên me xwelas bûn em ê didawiya kursan de em ê bi merasîmekê sertîfîka bidin xwendekarên xwe. Weke dibin xwendekarên meyên di Şano, dîlan û Erbanê de cih digirin dê di dawiya kursan de tiştên ku fêr bûne, dê pêşkêşî gel bikin." Bozkurt da zanîn ku kursên ew didin bê perene û wiha dawî li axaftina xwe anî: "Em van kursên xwe bi dilekê fireh didin. Bêy ku berjewandiyeke me hebe em van kursan didin. Tişta em dixwazan pêşketina ciwanên me ne. Bi van kursan em dixwazin ciwanên me xwe û jiyana xwe nas bikin. Mamostayên ku dersan didin, ew jî bi dilxwazî mamostatiyê dikin. Ji roja destpêkê heya niha girmahiyek û heyecanek heye. gelek xwendekarên meyên di kursan de cih digrin, piştî kursan dixwazin tevlî xwebatên me bibim û tiştên fêr bûne nîşanî xwendekarên nû bikin. Dibêjin 'em dixwazan weke mamostayeke di bin banê dernekê de mamostatiyê bikin'."

Li hemberî pişavtin û qirkirina zimanê kurdî, kursên zimanê kurdî

Piştî Bozkurd mamostayê zimanê kurdî Mehmet Korkut jî diyar kir ku li hemberî pişavtin û qirkirina zimanê kurdî bi vî rengî dixwazin helwesta xwe nîşan bidin û wiha axivî: "Ji bo em kiribin bibin alikar em vê xebatê didin meşandin. Armanca ew e ku ciwan, zarok û gelê me alfabeya xwe, zimanê xwe û çandan xwe nas bikin. ji bo ku nirxên xwe ji bîr nekin. Ji bo zimanê zikmakî ji rojev û jiyanê durnekeve, hindik be jî me xwest em bibin alikar. Ji bo ku ciwanên me di her qadê jiyanê de zimanê xwe bijîn." Mamostayê Îngîlîzî Eylem Esen jî anî ziman ku hedefa wan ew e ku bibin alikar ji ciwanan re û wiha axivî: "Di kursan me ya Îngîlîzî de 40 xwendevan hene. Ciwanên me pir daxwazin bi zimanê Îngîlîzî fêr bibin. Li gel qeydên zimanê Îngîlîzî xelas bûne, hîna jî ji bo kursa zimanê îngîlîzî serî lêdan tê çêkirin."

Piştî meheke din dê endamên MGAM-DER'ê ji bo teremeya tendirûstiyê biçin wan ê.

Bernameya Kursên MGAM-DER'ê ya Sê mehan

Şemî û yekşemê: Kursa wêne Duşem û pêşemê: Kursa Erbanê Çarşem û pêşembê: Kursa Şanoyê Çarşem û pêşembê: Kursa Dîlanê Roja înê: Kursa Îngîlîzî Şemî û yekşemê: Kursa zimanê zikmakî Şemî û yekşemê: Kursa Zazakî Şemî û yekşemê: Kursa Bîlgiseyarê

(zk/mae)