Bi 10 hezaran kesên beşdarî mîtînga BDP'ê ya li qada Îstasyonê ya bi navê "Ez li vir im, li vîna xwe xwedî derdikevim" pêk hat bûn bi yek dengî gotin "Em hemû li vir in, Em hemû KCK'yî ne".

Rêxistina BDP'ê ya Amedê, bi boneya operasyonên siyasî û leşkerî û girtinên di bin çavên "KCK'ê" de didomin şermezar bikin li qada Îstasyonê ya Amedê mîtîng pêk anî. Piştî bi hezaran kes di kontrola lêgerînê ya polîsan re derbas bûn derbasî qada mîtîngê bûn. Mîtînga "Ez li virim, li vîna xwe xwedî derdikevin" bi rêzgirtinê destpê kir. Li qada mîtîngê ji ber dowîz û pankartên kesk, sor û zer qada mîtîngê bi rengên kesk, sor û zer xemilî. Li qadê pankarta mezin ya "Ez li vir im, li vîna xwe xwedî derdikevim" vekirin. Ji dika mîtîngê jî bê navber strana "Dîren Diyarbakir" hate strîn. Bi 10 hezaran kesan bi yek dengî dirûşmeyên "Bijî Serok Apo", "Em hemû KCK'yî ne" û "PKK gele, gel li vire" û "Şehîd namirin" berz kirin. Hemwelatiyên ji navçayên Bismil, Farqîn, Erxenî, Lîce û navçeyên derdorê din hatin bi pankart û dowîzên xwe reng û hêz dan mîtîngê. Bi hezaran kesên ku ji navçeyan hatin pankartên "Ez li vîna xwe xwedî derdikevin" vekirin û heta qada mîtîngê meşiyan.

Di mîtîngê de Hevserokên Giştî yên BDP'ê Selahattin Demîrtaş, parlementerên BDP'ê Nursel Aydogan, Emîne Ayna, Altan Tan, Halîl Aksoy, Ayla Akat Ata, Hevseroka BDP'a Amedê Zubeyde Zumrut, Rêveberên BDP'ê yên navendî Meral Daniş Beştaş, Yildiz Aktaş Mehdi Perinçek, Huseyin Dag, Şaredarên BDP'ê yên Amed û navçeyên wê nûner û rêveberên KCD, HAKPAR, KADEP, OSP, TŞDK, EMEP, ESP, Partîzan, MEYA-DER, TUHAD-FED, TUHAD-DER, KURDÎ-DER, Înîsiyatifa Dayikên Aştiyê, Goç-Der, Komeleyên Hemwelatiyên Azad, Foruma Civakîe ya Mezopotamyayê, Navenda Çand û Hunerê ya Dicle û Firatê DÎKASUM, KARDELEN û gelek kesên din jî amade bûn.

Piştî mîtîngê dest pê kir, zêdeyî 50 hezar kes li qada mîtîngê kom bûn û mîtîngê bi rêzgritin û siroda "Çerxa şoreşê" destpê kir. Serokê Komîteya Amadekar a Mîtîngê Ahmet Gezer, axaftina vekirinê kir û gel silav kir.

ZUMRUT: GELÊ AMEDÊ QET KOLETIYÊ QEBÛL NAKE

Hevserok Rêxistina BDP'ê ya Amedê Zubeyde Zumrut jî axivî u diyar kir ku, li gel PKK'ê pêvajoya bêçalakiyê daye destpêkirin jî dîsa operasyonên siyasî û leşkerî berdewam dikin û gelê Amedê û gelê Kurd dê qet koletiyê qebûl nekin. Zumrut, anî ziman ku ew dê heta dawî ji bo rûmet, çand, ziman, nasname û vîna xwe têbikoşin û têkoşîna azadiyê bilind bikin. Zumrut, polîtîkayên AKP'ê yên komkujiyê jî şermezar kir û da zanîn ku gelê kurd li hemberî van polîtîkayan gavan bi paşve nade avêtin.

Mîtîng bi axaftin û muzîkê berdewam dike.

ANF NEWS AGENCY