BEHDÎNAN 13.08.2014 09:46:11 Ji bo cihgirtina di parastina Başûrê Kurdistanê de, hêzeke mezin a Yekîneyên Parastina Rojhilatê Kurdistanê (YRK) ji Herêmên Parastinê yên Medyayê ketin ser rê û berê xwe da Celawla.

Gerîlayên Yekîneyên Rojhilatê Kurdistanê (YRK) û Hêzên Parastina Jinê (HPJ) jî tevlî refên berxwedana li dijî çeteyên DAIŞ'ê bûn.

Yekîneyeke YRK-HPJ ya îro ji Herêmên Parastinê yên Medyayê ket ser rê, berê xwe da navçeya Celawla ya Xaneqînê.

Gerîlayên bi konvoya wesayîtan ketin ser rê, bi dirûşmeyan biryardariya xwe ya ji bo berxwedan û têkoşînê nîşan dan.

Bi vî rengî li refên Hêzên Berxwedanê yên ji YPG-YPJ, HPG-YJA STAR, Hêzên Milîsên Şengal û Mexmûrê û Pêşmergeyan, gerîlayên YRK-HPJ jî cih girtin û tevkarî li avabûna hêza parastina neteweyî ya Kurdan kirin, ku yek ji xeyal û hesreta mezin a Kurdan e.