Çalakiya gireva birçîbûnê ya li girtîgehan bi armanca tecrîda li ser Rêberê PKK'ê Abdullah Ocalan bi dawî bibe, mafên azadî, ewlehî û tendûrîstiyê pêk bên û mafên gelê kurd ên demokratîk bên dayîn hate destpêkirin li hemû girtîgehan belav dibe. Di heman çerçeveyê de Girtîgeha Tîpa F a Edîrneyê 10, Girtîgeha Kurkçuler a Edene 10, Girtîgeha Jinan a Şakranê û 2'yemîn Tîpa T a Şakranê 15 girtiyên din jî dest bi gireva birçîbûnê kirin. Li Girtîgeha Tîpa M a Çewlîkê 9, Girtîgeha Sîncanê û Girtiîgeha Kirikkaleyê jî 24 girtî dê tevlî gireva birçîbûnê dibin.

ÇEWLÎK

Li girtîgehên Tirkiyeyê û herêmê girtiyên PKK û PAJK'î bi armanca tecrîda li ser Rêberê PKK'ê Abdullah Ocalan bi dawî bibe û şerên Ocalan ên tedûrîstî, ewlehî û azadiyê pêk bên û mafên gelê kurd ên demokratîk bên dayîn û zextên li ser gelê kurd bi dawî bibin di 12'yê îlonê de dest bi çalakiya gireva birçîbûnê ya bêdem û dorvenger kiribûn. Bi heman armancê çalakî li hemû girtîgehan belav dibin û berdewam dike. Bi heman armancê 9 girtiyên PKK û PAJK'î yên li Girtîgeha Tîpa M a Çewlîkê jî daxuyandin ku ew tevlî çalakiyê dibin. 9 girtî dê sibê dest tevlî çalakiyê bibin û di nameya şandin de wiha gotin: "Li ser Rêberê Gelê Kurd Birêz Abdullah Ocalan ê ku bi mîlyonan kesan weke vîna xwe qebûl kir tecrîd û polîtîkayên îşkenceyê yên kesên bêje ez mirov im qebûl neke tên meşandin. Heman polîtîka êrîşa li hemberî daxwaza gelê kurd a azadiyê û vîna wî ya azad e. Ligel vê yekê li hemberî gelê me yê daxwaza azadiyê dike êrîşên faşîst pêk tên. Di çarçoveya heman polîtîkayan de li girtîgehan sewq û sirgûn, binpêkirina mafên mirovan berdewam dikin. Ji ber van sedema me di 4'ê cotmeha 2012'yan de dest bi çalakiya gireva birçîbûnê dikin. Heta şertên Serokatiya me yên azadî, tendûrîstî û ewlehiyê neyên sererastkirin û mafên kurdan neyên dayîn, astengiyên li pêşiya zimanê zikmakî, mafê parastina zimanê zikmakî pêk neyên em dest ji berxwedana xwe bernadin. Em dixwazin raya giştî û malbat piştgiriyê bidin berxwedena me."

Girtiyên li Girtîgeha Tîpa M a Çewlîkê dest bi çalakiyê dikin û navên wan wisa ne: Hanim Çeşme, Saffet Durmaz, Ahmet Korhan, Edîp Yalçinkaya, Osman Kiliç, Baran Gunona, Diyar kaydu, Emrullah Kurcan û Aslan Îbîcîk.

ENQERE

Li 2'yemîn Girtîgeha Tîpa F a Sîncanê ya Enqere, Girtîgeha Jinan a Sîncanê ya Enqere û Girtîgeha Kirikkaleyê jî 24 girtiyên PKK û PAJK'î jî bi heman armancê dê di 5'ê cotmehê de tevlî çalakiya gireva birçîbûnê ya bêdem û dorveneger bibin.

Navê girtiyên li Girtîgeha Jinan a Sîncanê tevlî çalakiyê bûn ev in: Naîme Encu, Guler Ozbay, Zeynep Kiyar, Azîze Yagiz, Emîne Demîr, Adîle Dagal, Berîvan Elter, Gulîstan Înan û Ayşegul Ayaz.

Navên girtiyên li 2'yemîn Girtîgeha Tîpa F a Sîncanê tevlî çalakiyê bûn ev in: Ozkan Kart, Reşat Ozdîl, Cabbar Palabiyik, Bedrî Temîzyuz, Bulent Guneş, M. Emîn Akkuş, Resul Muhammed, Ahmet Akgun, Suleyman Hamdo û M. Can Oguzsoy.

Navên girtiyên li Girtîgeha Kirikkaleyê tevlî çalakiyê bûn ev in: Şeyhmus Ozsubaşi, Tahîr Kizildemîr, Aram Akyuz, Murat Baludan û Velat Esen.

EDENE

Li Girtîgeha Tîpa F a Kurkçulerê ya Edeneyê jî 10 girtî bi heman armancê tevlî çalakiya gireva birçîbûnê dibin. Navê girtiyên tevlî çalakiyê bûn ev in: Mehmet Şahîn, Mehmet Halît Oruç, Mehmet Dal, Mehmet Erbey, Murat Gul, Abdurrahman Çinar, Ahmet Bagdu, Azîz Kiliç, Bariş Yîgît û Cengîz Nergîz. Çalakiya girtiyan di 4'ê cotmehê de dest pê dike.

EDÎRNE

Li Girtîgeha Tîpa F ya Edîrneyê ji bi heman armancê 10 girtî dest bi gireva birçîbûnê ya bêdem û dorvenger dibin. Navê girtiyên tevlî çalakiyê bûn ev in: Nasrettîn Merter, Tuncay Genç, Ersîn Kazhan, Hasan Kizilkan, Firat Vural, Zaît Şahîn, Bariş Mete, Kerem Îmrak, Nîzam Ozluk û Yildirim Turgut.

ÎZMÎR

Li Girtîgeha Jinan a Şakranê û 2'yemîn Girtîgeha Tîpa T a Şakranê jî 15 girtiyên PKK û PAJK'î jî bi heman armancê tevlî çalakiya bêdem û dorvenger bûn.

Navên girtiyên tevlî gireva birçîbûnê bûn ev in: Ayfer Ayçîçek, Şukran Aydin, Muzeher Bulut, Gulîstan Seçkîn, Hatîce Çakmak, Murat Bîlge, Faruk Baysu, Erdogan Uçar, Habîp Guler, Reşît Çagli, Îsmaîl Yaman, Emîn Yildiz, Nurettîn Atinç, Mahmut Aba û Abdullah Nas.

SEMSUR

Li Girtîgeha Tîpa E ya Semsurê jî 3 girtî bi heman armancê tevlî çalakiya gireva birçîbûnê dibin. Navên girtiyên tevlî çalakiyê bû ev in: Nacî Ataman, Umut Çamlibel û Sabrî.

Ligel çalakiya gireva birçîbûnê girtiyên din jî dernavkevin hevdîtinên vekirî û girtî. Girtiyan bang li hemû derdorên bihestiyar kir ku piştgiriyê bidin doza gelê kurd a azadiyê kirin.

(bd/mae)