NAVENDA NÛÇEYAN Gundê Alya yê li bakûrê rojavayê Til Temir ku wekî navenda herêmek berfireh tê zanîn, ji aliyê şervanên YPG’ê ve ji çeteyên DAIŞ’ê hate rizgarkirin.

Li gorî agahiyên ji herêmê hatine ragihandin, hêzên YPG/YPJ’ê di çarçoveya operasyona ku li dijî çeteyên DAIŞ’ê de dabûn destpêkirin, şevê din li hemberî gundê Alya ku di destê çeteyan de bû, çalakî lidar xist.

Di encama çalakiyê de gundê Alya ku 25 kîlometre dikeve bakûr rojavayê Til Temir ku wekî navenda herêmeke berfireh û stratejîk tê naskirin, bi temamî ji çeteyan hate paqijkirin.

(rn/ge)