09:43 14.01.2014 1 / 2 ENQERE (DÎHA) - Heyeta ji BDP-HDP a bi Rêberê PKK'ê Abdullah Ocalan re hevdîtin pêk anî, xwe amade dike di nav hefteyê de bi rayedarên hikûmetê re hevdîtinekê pêk bîne. Heyed dê di hevdîtinê de bixwaze ji bo pêvajoyê bingeheke qanûnî pêk bê û ji bo heyetên cuda biçin giravê astengiyên li pêşiya wan bên rakirin.

Serdana Îmrali û hêviya hevdîtineke nû

Heyeta ku ji BDP-HDP pêk tê di 11'ê Çileyê de ku careke din çûn Girava Îmrali bi Rêberê PKK'ê Abdullah Ocalan re hevdîtin pêk anîn. Serokwekîka BDP'ê Îdrîs Baluken piştî hevdîtinê daxuyanî da DÎHA û diyar kir ku Rêberê PKK'ê Abdullah Ocalan bal kişandiye ser 3 mijarên, "Muzakereya bi wate", "Desteya şopandinê" û "Şaxa Huqûqî". Baluken got ku wê têkildarî van her sê mijaran bi hikûmetê re hevdîtinê pêk bînin û pêşniyara 8 komîsyonan jî wê ji nû ve bigirin dest.

Roja hevdîtina heyet û hikûmetê ku nehat zanîn, hat ragihandin ku di nav vê hefteyê de wê hevdîtin pêk bê. Hat ragihandin ku di hevdîtinê ligel mijarên, "Muzakereya bi wate", "Desteya şopandinê" û "Şaxa huqûqî" pêşniyara 8 komîsyonan, çûna heyetên nû ji bo Îmrali, der barê rewşa girtiyên nexweş û hwd. mijar wê bên destgirtin û dê hikûmetê bê xwestin demldest gavan biavêje.

(yş/mae)