BRUKSEL 07.01.2014 11:03:35 54 partî û rêxistinên di bin bana KNK’ê de temsîliyeta wan heye name ji dewlet û saziyên ku Cenevre-2’ê pêk tîne re şandin û piştgiriya xwe ya bi civînê anîn ziman. Di nameyê de hat diyar kirin ku kurd dixwazin serbixwe tevli civînê bibin û got: “Ev civîn bêyî kurdan dê bi sernekeve û divê ev ji aliyê hemû kesî ve bê zanîn.

KNK’ê berê jî ji bo Heyeta Desteya Bilind a wek nûnerê Kurdan tevli Cenevre-2 bibe bang kiribû û 14 partiyên siyasî yên Başûrê Kurdistanê piştgirî da bû û bang li hemû sazî û dewletan kiribû ku beyî kurdan civîn bila pêk neyê.

Li ser vê bangê partiyên siyasî û saziyên din yên parçeyên din yên Kurdistanê jî ketin nava tevgerê û piştgrî da.

Bi piştgiriya 54 partî û saziyên sivîl yên çar parçeyên Kurdistanê û yên li dîasporayê re KNK’ê, ji dewlet û saziyên ku Cenevre-2’ê pêk tîne re nameyek nivîskî û daxwaz kiri ku bila kurd bi awayekî serbixwe bigirin civînê.

Nameya ku di serî de ji sekreteriya Giştî ya NY’ê, rayedarên Yekitiya Ewropa, DYA, Rusya û wezîrê karê derve yê Çînê re hate şandin de, hat xwestin ku daxwaza kurdan ya tevlibûna Cenevre-2’ê ya bi awayekî serbixwe baldar bê girtin.

Di nameya bi ser navê ‘Ji bo Suriye û Rojavayê Kurdistanê çareseriya polîtîk’ de hate diyar kirin ku civîna ku ji bo teşekirina nû ya Sûriyeyê tê lidarxistin de rola kurdan gelek girînge û hat destnîşan kirin ku ew gelek girîngiyê didin vê civînê û got ew ji bo aştî, edlet û maf piştgiriyê didin vê civînê.

Di berdewamiya nameyê de hat diyar kirin ku ew dixwazin serbixwe tevli Cenevre-2’ê bibin û wiha berdewam kir:

Di vê civîna navnetewî de divê gelên Sûriyeyê û aliyên şer bê temsîlkirin. Bê guman aliyekî herî bi hêz vê civînê kurd û Kurdistane. Konseya Bilind ya Kurd a Sûriyeyê di vê mijarê de kurdan temsîl dike.” di nameyê de hate diyar kirin ku KNK bi tabana xwe ya berfireh 54 partî û saziyên sivîl dihundirîne û her wiha ji kurdên her çar parçeyên Kurdistan û kurdên dîasporeyê pêk tê, ava bûye.

Di dawiya nameyê de hat diyar kirin ku ew wek KNK’ê piştgiriyê didin faliyetên aştiyê û hat diyar kirin ku platformeke bê kurdan dê bisernekeve.

50 endam û 4 organîzasyonên çavdêr yên piştgirî dane nameyê wihane;

1. PKK [Partiya karkerên Kurdistanê]

2. KCK [Yekitiya Civakên Kurdistanê]

3. PJAK [Partiya Jiyana Azad a Kurdistanê]

4. PYD [Partiya Yekitiya Demokratîk]

5. Partiya Komunîst a Kurdistanê (Başurê Kurdistanê)

6. Partiya Kedkaran a Kurdistanê

7. Partiya Sosyalîst Demokratîka Kurdistanê (Başurê Kurdistanê

8. Partiya li Kurdistanê Pêşeroj

9. Civaka Islamî ya Kurdistanê

10. PÇDK [Partiya Çareseriya Demokratîk a Kurdistanê]

11. Partiya Komunîst a Kurdistanê -Bakur

12. PAJK [Partiya Jinan a Azad ya Kurdistanê]

13. KJB [Koma Jinên Bilind]

14. PIK [Partiya Islamî ya Kurdistanê]

15. Partiya Keskan a Kurdistanê

16. Partiya Demokrat a Kurdên Suriyê

17. Partiya Demokrat a Kurdistanê ya Sûriyê

18. Partiya Çep a Kurdan ya Sûriyê

19. Partiya Komunîst a Kurd -Suriye

20. Partiya Rizgariya Kurdistanê

21. Partiya Çep a Demokratîk ya Sûriyeyê

22.Partiya Guherîne Demokratîk a Mezopotamyayê

23. YNDK [Yekitiya Demokratîk a Netewî ya Kurdistanê]

24. Rêxistina Demokratîk a Yarsan

25. Tevgera Gel a Demokratîk ya Kurdistanê -Erbil

26. CIK [Civaka Islamî ya kurdistanê]

27. Otonomiya Kurdên Rûsyayê

28. Civaka Kurd ya Ukraynayê

29. Jinên Rewşenbîr yên Erbîlê û navenda Çapemeniyê

30. Chak [Rêxistina Çavderiyê ya Mafê Mirovan, Kurdocide Watch]

31. Enstîtuya Kurd ya Brukselê

32. Enstîtuya Kurd a Almanyayê

33. Enstîtuya Kurd ya Swêdê

34. KON-KURD [KCD-E, Kongreya Civaka Demokratîk a Ewropayê]

35. FEK [Federasyona Komeleyên Êzdî]

36. FEDA [Federasyona Komeleyên Elewiyan]

37. YEK-KOM [Yekitiya Komeleyên Kurd a Almanyayê]

38. YMK [Yekitiya Mamosteyên Kurd]

39. Tevgera Jinên Azad a Ewropayê

40. TEV-ÇAND [Tevgera Çand û Hunerê]

41. ASUDA-Silêmanî

42. Navenda Jinên Ronakbîr

43. Navenda Zerduştên Kurdistanê - Swêd

44. Însiyatîfa Doktorên Kurd ya Almanyayê

45. YEKMAL [Yekitiya Malbatên Kurd ya Berlînê]

46. Civaka Erbil GAYANDIN

47. Navenda Kurd ya Berlînê

48. AZERMER [Saziya Mafê Jinan a Swêdê]

49. YXK [Yekitiya Xwendekarên Kurdistanê]

50. RONAHI [Komeleya Çanda Kurd ya Azerbaycanê]

Organîzasyonê çavdêr:

1. Yekitiya Islamî ya Kurdistanê

2. Civaka Kedkarên Kurdistanê - Rojhilat

3. Welatiyên Azad - Başûr

4. Partiya Demokrat a Kurdên Pêşdeçûyî ya Sûriyê