Li Amedê ji aliyê 11.Herêma Amedê ya Odeya Dermanfiroşan ji bo dermanfiroşan qursên bi zaravayên Kurmancî û Dimilkî hatin destpê kirin.

Ji aliyê 11. Herêma Amedê ya Odeyên Dermanfiroşan, KURDÎ-DER û koma Xabata Vatê ji bo dermanfiroşan qursên Kurmancî û Dimilkî hatin dayîn.

Sekreterê Giştî yaê 11. Herêma Odeya Dermanfiroşan Serdar Okay diyarkir ku, ji ber tengasiyên di dayîna dermanan de û tengasiyên di têkiliyan de wan biryar daye ku qurs bên dayîn.

Okay bilêv kir ku, dermanfiroş di mijara derman dayîna nexweşan de hişyarin, ji bo di vê mijarê de tengasî neyên kêşan wana dest bi xebatek wisan kiriye. Oktay diyarkir ku, “Ji xwe di pratîkê de berdest û dermanfiroşên Kurdî dizanin xebat baş birêve diçe, lê belê ev ji bo hîn sîstematîk tir be me xwest van zaravayan bi awayek akademîk biser bêxin. Qurs beriya 2 mehan destpê kirin. Em dihizirin 2 mehên din jî berdewam bikin. Ger têr neke, dibe em qursan dirêj jî bikin. Di dema nû de wê qursên nû destpê bikin. Piştî demekê em dihizirîn ku ji bo teknîsyenên dermanfiroşan jî qursan bidin destpê kirin.”

Okay aşkera kir ku, ji bo qursan eleqeyek mezin heye, “Waneyên me bi keyf derbaz dibin. Ji ber ku diyaloga di navbera nexweşan de bi awayek şanoyî tê kirin. Kudera te di êşe, pêwîstiya te bi kîjan dermanî heye. Di êşe?”

Okay anî ziman ku, pêwîste sûjeyên kurdî bi prospektusên dermana ve bên zêde kirin, “Prospektusa Kurdî di pêşkêşkirina zimanê tenduristî de tiştekî jê ne gere. Pêwîste prospektus bi zimanekî ku nexweş jê fêm bikin bên çêkirin. Ez vê ji bo hemû zimanan dibêjim. Em weke Ode amadekariyên vê jî dikin.”

ANF NEWS AGENCY