RIHA (DÎHA) - Çalakiya nobetê ya kon a ku li navçeya Bêrecûkê ya Rihayê hate vedan di roja 6'emîn de berdewam dike. Welatiyan li herêma Xirbeyê Berana ya di navbera navçeyên Pirsus û Kaniya Xezalan dimîne jî kon hate vedan.

Çalakiyên ji bo balê bikşînin ser êrîşên çeteyên DAIŞ'ê yên li dijî Kantoya Kobanê û xwedî li Şoreşa Rojava derbikevin hatin destpêkirin her diçe mezin dibin û berdewam dikin. Çalakiya kon a li navçeya Bêrucûkê ya Rihayê hate destpêkirin berdewam dike. Dayîkên Aştiyê yên bajarên Kurdistanê, bi sedan hunermend û bi hezaran welatî gihiştin qada çalakiyê. Çalakiya duyemîn a nobetê jî li herêma Xirbeyê Berana ya di navbera navçeyên Pirsus û Kaniya Xezalan de dimîne hate destpêkirin. Li qada nêzî sînorê Tel Ebyat 5 kon hatin vedan û ewlehiya qadê ji aliyê welatiyan ve pêk tê. Bi sedan welatiyên ji Wan, Edene, Şirnex, Sîlopî, Cizîr, Serêkaniyê, Wêranşar, Qoser û Nisêbînê hatin tevlî çalakiyê bûn û heya serê sibê nobet girtin. Parlementerê HPD'ê Îbrahîm Bînîcî, Hevşaredarê Wêranşarê Emrullah Cîn û rêveberên HDP û PHD'ê jî tevlî çalakiyê bûn. Li qadê sloganên "Biji berxwedana YPJ", "Biji berxwedana YPG" û "Biji serok Apo" hatin berzkirin.

(bd)