KOBANÊ ANF Di çalakiya ku Volkan El-Firat li dijî çeteyên DAIŞ’ê pêk anî de 20 çete hatin kuştin û gelek çek û cebilxaneyê hate desteserkirin.

Li gorî agahiyên hatine bidestxistin duh saet di 17.30’an de çeteyên DAIŞ’ê li başûrê herêma Kobanê hewl dan êrîşî endamên Odeya Çalakiyan a Volkan El-Firat bikin, ketin kemîna endamên Odeyê. Di encamê de şer û pevçûn di navbera her du aliyan de rû dan û têde 20 çeteyên DAIŞ’ê hatin kuştin. Her wiha 2 cenazeyên çeteyan jî ketin destê endamên Odeyê û hinek çek û cebilxaneyê jî hate desteserkirin. Der barê cenazeyên ketine destên endamên Volkan El-Firat de çavkaniyek ji Navenda çalakiyan ragihand ku her du cenaze bi cilên sivîl bûn û şopa derziyên tiryakê li ser laşê wan hebûn.

Çekên ku hatine destserkirin ev in: “6 çekên keleşnîkof, çekeke BKC, çekeke RBG, 1000 fîşekên BKC, 600 fîşekên keleşnîkof û 2 topên RBG.”