AMÛDÊ 21.01.2014 09:40:17 Çav li rê ye, Meclîsa Rêveberiya Demî ya Kantona Cizîrê, di encama civîna îro ya Meclîsa Qanûnsazî ya Kantona Cizîrê bê îlankirin. Bajarên herêma Cizîrê bi dengên kesk sor û zer xemiliye û li benda îlana rêveberiya xwe ye.

Hate zanîn civîna Meclîsa Qanûnsazî ya Kantona Cizîrê wê îro di seat 11’de destpê bike û Meclîsa Rêveberiya Demî ya Kantona Cizîrê diyar bike. Kesên ji bo Rêberiyê hatine pêşniyar kirin, wê ji aliyê aliyê Meclîsa Qanûnsazî bêne erê kirin. Li gorî agahiyên hatin bidestxistin, Meclîsa Rêveberî ji 20 wezaret û serokê rêveberiya Kantonê pêk tê û wê heta hilbijartinên giştî rêveberiya herêma Kantona Cizîrê bike.

Li hemû bajarên herêma Cizîrê bi alên kesk, sor û zer hatine xemilandin û tê payîn piştî îlana rêveberiya Kantona Cizîrê wê pîrozbahiyên girseyî bên lidarxistin.