REMEZAN OLÇEN Kovara çandî hunerî û wêjeyî Rewşen bi hejmara xwe ya 6'emîn a demsala havînê derket. Gerînendeyê Giştî yê Weşanê ya Rewşenê Mehdî Tanrikulu pirsên me yên der barê kovarê de bersivandin

Kovara Rewşen ku mirov dikare wekî berdewama 'Rewşan'a salên 1990'î lê binêre bi hejmara xwe ya 6'emîn a demsala havînê di stad û pirtûkfiroşande cihê xwe girt. Gerînendeyê Giştî yê Weşanê ya Kovara Rewşenê Mehdî Tanrikulu ku navberekê Midûrê Karê Nivîsan a rojnameya me bû der barê hejmara 6'emîn a kovarê de û armancên derxistina Rewşê de ji rojnameya me re axivî.

Tanrikulu diyar kir ku di salan 1990'î de ji ber berxwedan û têkoşîna gelê kurd kir ku di warê qanûnî de li Tirkiyeyê li hemberî zimanê kurdî hin sererastkirin werin kirin û wiha axivî: "Piştî ku qanûna ji bilî tirkî weşan nayê kirin guherî pêve êdî bi kurdî jî weşan hatin kirin. Wekî berhema vê pêvajoyê di sala 1992'yan de Navenda Çanda Mezopotamyayê ya Stenbolê bi navê Rewşen kovereke çandî hunerî û wêjeyî derxist. Ji wê demê heta niha bi navên cuda be jî Rewşenê rêwîtiya xwe domandiye. Îro roj jî di bin baneya Komeleya Çand û Hunerê ya Dîcle û Firatê de bi navê 'rewşen' ev rêwîtî berdewam dike."

Mebesta derxistina Rewşenê

Tanrikulu anî ziman ku mebesta wan a derxistina rewşenê ew e ku rewşenê bikin berhemeke nivîskî ya navenda çand û hunerî ya wekî din beşên din ên çandê ya civaka kurd.

Tanrikulu li ser niqandina dosyaya sînemayê jî wiha vegot: "çand û hunera kurdî lazim e di warê dîtbarî de jî temsîliya xwe di nava cîhanê de bibîne. Êdî hemû gelên cîhanê afrîneriya civaka kurd di aliyê sînemayyê de divê bînine. Lê bes di warê sîneyaê de de pêşveçûna pêşveçûna sînemaya kurd bi awayekî kifş e êdî xwe dide nîşandan. Bi vê mebestê me got bila dosyaya me li ser sînemayê be.

Tanrikulu der barê pêvajoya niqandina dosyayan de destnîşan kir ku çand û hunera kurdî di gelek waran de hatiye birîndarkirin û birîndar hiştin, hêj xwe di asta xwe pêşve bibe ango di asta xwe bi afirîne de ye û wiha dirêjî da axaftina xwe: "Em li ser van esasan di warê çand, huner û wêjeyê de mijarên ku di vê demê de derkefin pêş diniqînin, lê bêguman şert û mercên jiyanê jî di niqandina mijaran de bandora xwe dikin. Lê belê ew aliyên ku divê bi pêş bikeve wekî mijara esasî tê niqandin û xebat di vî warî de tên kirin."

Nivîsên din ên Rewşenê

Ji bilî dosyayê gelek nivîsên teorîk û hunerî jî di vê hejmarê de jî cih digirin. Alî Roj bi nivîsa xwe ya 'Li ser çanda Kurdistanê polîtîkayên asîmîlasyonê yên bi darê zorê' ve kambaxiya asîmîlasyonê ya li ser çanda Kurdistanê têkiliya pişaftinê ya bi îqtîdarê ve vedikole. Ahmet Îsmaîl jî bi nivîsa xwe ya 'Dagirkerî û pişaftinê' ji aliyeke din ve balê dikişînei ser polîtîkayên tunekirinê ya li ser Kurdistanê. Ji bilî van nivîsan nivîsên lêkolînê yên wekî 'Tembûr saza kevnar û îlahî' ya Dêrsim Oremar, 'Ola yezdanetiyê û olên Mezopotamyayê' ya Nursel Yildiz, 'Cot û çanda cotkariyê' ya Ferhatê Dengizî alternatîfên cuda pêşkêşî xwendekarên xwe dike.

Derbarê niqandina nivîsan de jî Tanrikulu bil êv kir ku ew li gorî polîtîkaya xwe ya weşanê heta derfet hebe cih didin wan nivîsan û wiha axaftina xwe domand: "Em li gorî naveroka giştî ya kovarê nivîsan diniqînin. Yanî rûpela yekemîn heta ya dawî li gorî mantiqeke hev temam dike nivîs tên niqandin. Nivîsên ku ji bo hejmareke nehatine weşandin jî ji bo hejmarên dîtir dixin arşîva xwe."

Xebatên hêjmara nû

Tanrikulu diyar kir ku ew ji niha ve zend û bendên xwe ji bo derxistina hejmara 7'emîn badane û wiha dirêjî da axaftina xwe: "Me ji niha ve dest bi xebata hejmara demsala payîzê ango hejmara 7'emîn kiriye. Di wê hejmara me de jî dê mijara dosyayê li ser muzîka kurdî û pirsgirêkên muzîka kurdî be. Ji bo vê jî me ji kes û derdorên bi muzîkê re eleqedar çend pirs rê kirin da ku dosyayeke xurt were amade kirin. Lê ji bilî vê jî kesên ku dixwazin nivîsên wan di wê hejmarê de were weşandin dikarin b ime re têkevin têkiliyê û nivîsên xwe bigihînin me."

(mae)