GIRÊ SPÎ 09.10.2013 20:17:27 Şervanê YPG’ê û kurê Hevserokê PYD’ê Salih Muslim Şervan Muslim li herêma rojavayê Girê Spî (Til Ebyed) di pevçûna navbera hêzên YPG’ê û çeteyên Dewleta Îslamî ya Iraq û Şamê (DAIŞ) de jiyana xwe jidest da.Cenazeyê Şervan dê sibe bê definkirin.

Li gorî agahiyên hatine bidestxistin îro di demjimêr 17.30’an de şervanê YPG’ê û kurê Hevserokê PYD’ê Salih Muslim Şervan Muslim di pevçûnên li gundê Fatina ya 15 kîlometre dikeve rojavayê Kobanê jiyana xwe jidest da.

Cenazeyê şervanê YPG’ê di demjimêr 20.00’an de anîn bajarê Kobanê û ji aliyê sedan kesî ve hate pêşwazîkirin. Di pêşwazîkirinê de dayîka Şervan Eyşe Efendî cenazeyê kurê xwe bi tîlîliyan hembêz kir. Cenazeyê şervanê YPG’ê Şervan Muslim ku birin navenda Saziya Malbatên Şehîdan, wê sibe di demjimêr 11.00’an de bi merasimekê li Goristana Şehîdan a li gundê Termik bê definkirin.