NEW YORK - ANF Ji bo 90 hezar hilbijêrên qeydkirî yên li DYA, sindoqên hilbijartinê li konsolosiyên New York, Boston, Los Angeles, Chîcago, Hoûston û Mîamî hatine danîn û ji 16'ê Gulanê û vir ve deng tê dayîn.

Beşeke mezin a hilbijêran, di rojê destpêkê de dengê xwe bikar anîne.

'CIHÊRENGÎ Û DEWLEMENDIYA HDP'Ê HER KESÎ BER BI XWE VE DIKIŞÎNE'

Ji ofîsa dildaran a HDP'ê ya New Yorkê Hulya Kartal, atmosfera sindoqan zindî û erênî nirxand û anî ziman ku dildarên HDP'ê ji 16'ê Gulanê û vir ve li ser sindoqan çavdêriyê dikin. Li gorî Kartal dewlemendî û cihêrengiya dildarên HDP'ê ya ji jin û hindikahiyên etnîkî ku piraniya wan jin in, bala hemû hilbijêran dikişînin.

Kartal diyar kri ku hilbijêrên heta niha deng dane partiyeke din, eleqeyek mezin nîşanî kampanya hilbijartinê ya HDP'ê didin û got, "Bi taybetî hilbijêrên berê dengê xwe dane CHP'ê, eleqeyê nîşanî prensîp û cihêrengiya HDP'ê didin. Dema em çalakiyan lidar dixin, hin ji wan bi dildarî tên alîkariyê didin me!"

DILDARÊN HDP'Ê YÊN NEW YORKÊ DEST BI KAMPANYA RAGIHANDINÊ KIRIN

Li gorî agahiyên ji aliyê Kartal ve hat dayîn, Ofîsa HDP'ê ya New Yorkê di nava vê mehê de li Bakurrojhilatê DYA'yê xwe gihand bi qasî 20 hezar hilbijêrî. Her wiha ji bo birina hilbijêran ser sindoqan, foneke ragihandinê ya bi bexşan hat avakirin. Ji bo wergritina agahiyan li ser vê kampanya ragihandinê hilbijêr dikarin li van nûmareyan 1-201-972-0125 û 1-347-417-2412 bigerin an jî maîlekê bişînin navnîşanên [email protected] yan jî bi ofîsa HDP New York'ê re têkiliyê deynin.