NAVENDA NÛÇEYAN 06.05.2014 10:08:01 Di pevçûnên li Dêra Zorê ku li di navbera DAIŞ'ê û El-Nusra de rû dane de, nêzî 139 çete ji herdu aliyan hatin kuştin.

Li gorî Rêxistina Sûriyê ya mafên Mirovan, di pevçûnên li derdora bajarê Dêra Zorê ku di navbera komên DAIŞ'ê û çekdarên Cebhet El-Nusra rûdan de 139 çeteyên herdu aliyan hatin kuştin.

Rêxistinê ragihand ku zêdetirî 70 çekdar di pevçûnên li gundewarê Dêra Zorê hatin kuştin û îro jî di pevçûnên li gundê El-Sebha yê girêdayî bajarê Dêra Zorê de 11 çekdarên El-Nusra û 23 çeteyên DAIŞ'ê hatin kuştin û di encamê de El-Nusra gund xiste bin kontrola xwe.

Li gorî rêxistinê, li rojavayê bajarê Dêra Zorê jî nêzî 35 endamên Cebhet El-Nusra û endamên tabûrên Bû Hemd, Cezir El-mîlac û El-Kibir hatin kuştin.