Li herêma Çemê Kutu, Dola Pilumoriya, Çîçeklî, Demîrkapi û Çalkiranê, operasyonek fireh hate destpêkirin. Hate zanîn ku li hin herêma pevçûn derket.

Şevê din li dijî 4'emin Germandariya Tugaaya Komando ya li herêma Bayraktepe di saetên êvarî de êrîşek çekdari pêk hat. Di êrdîşa HPG'ê ya bi çekên lûledirêj de şer derket. Piştî êrîşê yekîneyên leşkerî sewqî herêmê hatin kirin. Piştî êrîşê bi piştgiriya helikopteran operasyonek fireh hate destpêkirin. Hate zanîn ku helîkopterên kobra bê navber heremê gulebaran dikin. Li herêma Çemê Kutu, Dola Pilumoriya, Çîçeklî, Demîrkapi û Çalkiranê, operasyonek fireh hate destpêkirin. Li vê herêmê tîmên taybet bi helîkopteran hatin sewqkirin û li girên bilind hatin bicihkirin. Hate zanîn ku li Geliyê Kutu jî di navbera HPG'ê û leşkeran de şer derketiye. Der barê birîndar û miriyan de tu agahî nehat girtin. Hate zanin ku li herêmê operasyon û pevçûn didome û her ku diçe çeperên operasyonê fireh dibe. Leşkeran bi helîkopter û maşîneyên zirxî tîmên taybet sewqi Çîçeklî, Demîrkapi û Çalkiranê kirin.

(mae)