ANF - KERKÛK 07.01.2014 10:44:20 Li Başûrê Kurdistanê bajarê Kerkûkê vê sibehê li nêzî navenda polîsan teqînekê rû da. Li gorî agahiyên destpêkê di bûyerê de 7 mirin, herî kêm 52 kes jî birîndar bûn.

Li gorî agahiyên ji herêmê hatin wergirtin, li nêzî navendeke polîsan a li bajarê Kerkûkê bi wesayîteke bombebarkirî êrîşek pêk hat. Hat ragihandin ku bi bûyerê de 7 jiyana xwe ji dest daye û herî kêm 52 kes jî birîndar bûne.

Çavkaniyekî ewlehiyê ragihand ku birîndar rakirine nexweşxaneyan.

Berpirsyariya teqînê heta niha kesî negirtiye ser milê xwe.

Hêzên ewlehiyê li herêmê dest bi lêkolîn û lêpirsînê kirin.