KOBANÊ ANF Di berxwedana dîrokî ya Kobanê ku bi dijwarî dom dike, li eniya başûr du tankên aîdî çeteyan hate rûxandin.

Li gorî agahiyên hatine bidestxistin, çeteyên DAIŞ’ê ku digotin wê nimêja cejnê li Kobanê bikin, ji şevê din ve êrîşên xwe yên herî dijwar ên 19 rojan pêk tînin. Lê li hemberî berxwedana dîrokî ya şervanên YPG/YPJ’ê nikarin pêş bikevin û gelek windahiyan didin.

Di pevçûnên şevê din de çeteyan li her sê eniyan windahiyên mezin da. Îro jî di saetên serê sibehê de gelek windahiyên çeteyan çêbûn. Li eniya Kobanê saet derdora 09.25’an de tangek çeteyan hate rûxandin û gelek jî hatin kuştin.

Şer û pevçûn li her sê aliyên bajar didomin, lê li girê Meştenûrê yê dikeve rojhilatê bajêr dijwar bûye.