Yekîneyên Midûriyeta Polîsan a Mêrsînê serê sibehê bi ser saziyên Goç-Der, Azadiya Welat û gelek malan de girtin. Polîsan di serdegirtina malan de Nûçegîhana DİHA Zeynep Kuriş û endamê Meclisa BDP'ê Ramazan Yildiz jî di navde herî kêm 16 kes binçavkirin.

Yekîneyên Midûriyeta Polîsan a Mêrsînê serê sibehê di bin navê operasyona KCK'ê de bi ser saziyên Goç-Der, Azadiya Welat û gelek malan de girtin. Polîsan di serdegirtina malan de Nûçegîhana DİHA Zeynep Kuriş û endamê Meclisa BDP'ê Ramazan Yildiz, Hunermend Kadîr Çat, endamên rêveberên BDP'ê, Nûneren saziyên sivîl û endamên Meclisa Şaredariyê jî di navde herî kêm 16 kes binçav kirin.

Kesên di operasyonê de hatin binçavkirin wiha ne: "Endamê Meclîsa BDP'ê Ramazan Yildiz, Nûçegihana DÎHA ya Mersinê Zeynep Kuriş, Xebatkarê Rojnameya Azadiya Welat yê Mêrsînê Ergin Çaglar, Wekîlê Hevserokê BDP'a Mêrsîne Îrfan Yucel, Endama Meclîsa Şaredariya Akdenizê Terfa Arinç, Seroke Goç-Dera Mêrsîne Selahattin Güvenç, Rêvebera Goç-Der û Navenda Jinan a Îştarê Menice Urun, Hunermendê NÇM'ê Kadir Çat, Rêveberên BDP'ê Abdullah Okur, Îsa Dag, İsmaîl Andar û Mehice Ozlu, Mele Abdullah Hazar, Mele Ahmet Kutlu, Rêveberê ÎHD'e yê berê Senayi Sayin û Asya asya. Kesên hatin binçavkirin birin Midûriyeta Polîsan a Mêrsinê.

(mae)