MÊRDÎN (DÎHA) – Li Nisêbînê di dema hêzên dewletê xwestin bikevin taxê 3 teqînên mezin pêk hatin. Piştî teqînê ambulans sewqî cihê bûyerê hatin kirin.

Li navçeya Nisêbîna Mêrdînê li hemberî êrîşên tevkujiyê yên rejîmê gel bênavber li berxwe dide. Tîmên ku nikarin têkevin taxan malên sivîlan hedef digirin û bênavber êrîşan dikin. Êrîşên ku ji dûh saetên berî êvarî destpêkir bênavber dom dikin. Hêzên YPS û YPS-JİN'ê jî bersivê didin êrîşan û nahêlin ku hêzên rejîmê têkevin taxan.

Wesayitên zirxî yên ku xwestin ji ber Dibisana Bulent Pekdemîr têkevin nava taxa Firatê di dema meşa wan de 3 teqînên mezin pêk hat û di encama teqînê de xwelî sed mitro bi hewa ket. Encama teqînan nehat zanîn. Piştî teqînê gelek ambulans sewkî nava taxê kirin.

Tankên ku li ber goristana Weysîka hatine bi cihkirin nava taxa Yenîşehîrê bombebaran dikin. Ji tabura leşkerî ya li taxa Dîcleyê jî bi guleyên hewanan êrîşê nava taxa Dîcle û Yenîşehîrê dikin.

Gelek wesayitên Ford Ranger û wesayitên zirxî jî aliyê rêya Qoser di ser rêya Îpekê de ber bi rêya Cizîrê de çûn.

(kom/eb)