10:46 09.08.2012 1 / 7 RIHA (DÎHA) - Ji bo piştgiriya kurdên Rojavayê Kurdistanê û silavkirina îlankirina xweseriya demokratîk li Navçeya Pirsûsê bi sedan welatî hatin cem hev û şahî hate lidarxistin.

Li Navçeya Pirsûsê ya Rihayê ji bo piştgirî û silavkirina kurdên li Rojavayê Kurdistan li Qada Newrozê ya Taxa Aydinê şahî hate lidarxistin. Serokê BDP'ê ya Rihayê Mehmet Çîçek, Serokê BDP'ê ya Pirsûsê Mehmet Kayhan, Cîgirê Şaredarê Pirsûsê Muge Demîr, rêvebirên BDP'ê yên navçeyên Wêranşar, Serêkanî û Pirsûsê beşdarî şahiyê bûn. Şahî ji bo bîranîna kesên di têkoşina azadiyê de jiyana xwe ji dest dane bi rêzgirtinê dest pê kir. Di şahiyê de Koma Hîvron û hunermend Kadîr Çat derket ser dikê û stranên xwe bi gel par ve kirin. Şahî heta derengiya şevê dom kir.

(ab/mae)