KOBANÊ - HêzênYPG'ê li dijî baragehên çeteyên DAIŞ'ê yên li gundê Geteş ê rojavayê herêma Kobanê çalakiyeke leşkerî lidar xistin û di encamê de 4 çete hatin kuştin.

Şervanên YPG/YPJ'ê şevê din çalakiyeke bi bandor li dijî çeteyên DAIŞ'ê yên li gundê Geteş ê rojavayê herêma Kobanê lidar xistin û di encamê de 4 çete hatin kuştin û 8 jî birîndar bûn.

Li gundên Boraz û Dugirmanê yên rojavayê herêmê di navbera şervanên YPG'ê û çeteyên DAIŞ'ê de şer û pevçûn rûdan. Lê tu agahiyê derbarê hejmara kuştî û birîndarên çeteyan nehatin zanîn.

Li aliyê din jî çeteyên DAIŞ'ê gundên rojhilat û rojavayê herêmê bi hawanan û topên giran hatin topbarankirin. Di encamê de ziyanên madî çêbûn.

(he)