KOBANÊ – Li rojhilatê Kobanê 5 gund ji çeteyên DAIŞ’ê hatin rizgarkirin. Li eniya başûr jî li gundê Sebet di encama pevçûnan de 11 çete hatin kuştin û pevçûn didomin.

Li gorî agahiyên ku nûçegihanên ANHA’yê ji herêmê ragihandine, şervanên YPG’ê şevêdin li rojhilatê Kobanê li dijî çeteyên DAIŞ’ê operasyon da destpêkirin. Di encama pevçûnên ku hatin jiyandin de gundên bi navê Boxê, Qazaniya Biçûk û Qazaniya Mezin, Şêx Qemer û Mezree Çelbê hatin rizgarkirin. Derbarê encamên pevçûnan de agahiyên zelaltir nehatin bidestxistin.

Li eniya başûrê Kantonê jî, li gundê Sebet hêzên YPG’ê şevê din li dijî çeteyan çalakiyek lidar xist. Di çalakiyê de 11 çete hatin kuştin û tirimpêlek hate rûxandin. Li derdora gund pevçûn didomin.

(ekip/aq)

ANHA