ŞENGAL ANF Hat ragihandin ku li Şengalê di navbera gerîlayên Hêzên Parastina Gel û çeteyên DAIŞ de li gundê Dîgure şerekî dijwar rû da. Şer danê sibehê bi vekişîna çeteyên DAIŞ bi dawî bû.

Li gor agahiyên hatin wergirtin, duh bi şev saet nêzî 23:30’an çeteyên DAIŞ êrîşî gundê Dîgure yê di kontrola gerîlayên HPG’ê de ye. Piştî gerîlayan bersiveke tund dan şer heta danê sibehê dewam kir.

Di encama şer de çeteyên DAIŞ ji gund hatin paşdexistin. Der barê detayên şer de hê agahiyeke zelal nehatiye wergirtin.

Çavlirê ye der barê encama şer de di saetên pêş de daxuyaniyek bê dayîn.