ALVA OSÊ-DILŞAD CÛDÎ

HESEKÊ – Fermandarê Giştî yê Meclîsa Leşkerî ya Dêra Zorê Ebû Xole El-Dêrî diyar kir ku armanca wan parstina gelê herêmê û têkbirina terorê ye û ev tişt anî ziman: ʺHejmara şervanên me heta niha gihiştiye hezar î, Piştî me hêzên QSDʹê baş nas kir û me zanî ku armanca me û wan yeke, em derhal tevlî bûn.ʺ

Fermandarê Giştî yê Meclîsa Leşkerî ya Dêra Zorê Ebû Xole El-Dêrî têkildarî hêzên xwe û tekoşîna ku dê bidin meşandin ji ANHAʹyê re axivî. El-Dêrî got ku hejmara şervanên wan gihiştiye hezarî û wiha dom kir: ʺMeclîsa me beriya deh mehan hate avakirin. Armanca me ew bû ku em ciwanên welatparêz ên Dêra Zorê bînin ba hev û parstina gelê xwe yê Dêra ZOrê bikin û wan ji zulma terorê xilas bikin. ʺ

El-Dêrî, destnîşan kir ku dema wan armancên QSDʹê nas kirin biryar dan ku tevlî bibin û wiha dom kir: ʺHêzên QSDʹê ji hemû cîhanê re isbat kir ku ew nûnertiya tevahiya gelê SÛriyê dike û dikare parstina demokrasiyê bike. Ji bo avakirina nifşeke ku baweriya wî bi jiyana hevbeş û wekhev tê tekoşînê dike. Tevlî rewşa li Sûriyê û tevliheviya derket jî QSDʹê riya rast git û xeta xwe berneda. Ji ber wê me yek gav paş de ne avêt ku em tevlî QSDʹê bibin.ʺ

El-Dêrî, da diyarkirin ku wan di nava QSDʹê de rihê demokrasî û jiyana hevbeş dîtine û wiha dom kir: ʺEm niha ji bo heman armancan bi QSDʹê de tekoşînê didin meşandin. VÊ yekê jî îradeya me ya berxwedanê bi hêztir kir.ʺ

ʹTevlîbûna Xezeba Firatêʹ

Têkildarî xebat û tekoşîna ku heta niha meşandine jî El-Dêrî wiha dirêjî da axaftina xwe: ʺHêzên me niha di xetên pêş a başûrê bajarê Şedadê de ne. Di wir de parastina welatiyan dike. Di heman demê de hêzên me di Xezeba Firatê de jî cih digrin. Em ê di qonaxa duyemîn a Xezeba Firatê de jî cih bigirin. Hêzên me dê tevlî hemû pêngavên ku ji bo xilaskirina gelê me ji zulim û zordariyê bêne kirin, bibin.ʺ

El-Dêrî li ser civîna QSDʹê ku li bajarê Hesekê hate lidarxistin jî got ku di civînê de wan nerînên xwe parve kirin û pîlanên xwe yên demên pêş danîne û ev tişt anî ziman: ʺNerînên me avakirina SÛriyeke demokratîk û azad e. Civîn serkeftî derbas bû.ʺ

El-Dêrî di dawiya axaftina xwe de bang li ciwanan kir ku tevlî hêzên wan bibin û parstina herêmê bikin.

(dc)

ANHA